話說今日...朝早班務果陣時學識左"PULL A SICKIE" @@
好啦，廿分鐘內都冇直接指責LOL只係強調兩樣野-V-
有問題既向老師學生會反映，同埋唔好樣樣事情都計到咁盡，
每個決定都有COST同BENEFIT...奉勸大家好好衡量*O*
好囉P.E.堂打排球真係好開心，宜家覺得P.E.堂實在太少，
所以隔個星期一都好珍惜呢啲純粹走動，零壓力既課堂:P
雖然籃球打極都係咁，但自問自己打排球都幾容易上手囉XD.
每年都只係得一段時間打排球真係唔夠喉，愈打愈覺得好玩:D
今日MR.HUNG仲不停開高波比我地殺真係好爽好爽啊^0^
每堂既GAME TIME係最開心，分組比賽太瘋狂喇haha.
落堂終於冇打瘀個手腕喇-__- 但跳殺果陣時...條頸拉傷左囉:S
結果我宜家要右傾十度@@ 其實真係幾痛...想旭都唔點旭到-__-
測完驗喇呢個星期望番轉頭異常慢長>__< 或者我太過勞累啦:$
所以每次訓到十個鐘，甚至十二個鐘既話都好滿足好爽囉^0^
同樣有兩、三科特別冇咩把握，就算有...都唔敢抱太大期望:(
我成日都相信「希望愈大，失望愈大」永遠都能夠套係我身上...
經過呢次TEST開始覺得自己開始搵到個明確啲既方向:)
平時要將唔明既CONCEPT搞清楚，唔好拖到最後先問人@@
英文要平時多操卷搵番屬於自己既信心...BIO唔可以一晚背:S
最重要既都係LS每做一題題目前都應該花少少時間諗大鋼+_+
或者好多人一向有呢個習慣-V- 但我竟然呢次先開始識咁做*O*
不過我相信有心唔怕遲架...亦都相信只有我搞得明每科既內容，
我就會對果科有興趣，更加可以推動自己可以努力啲讀落去`!!!
呢個測驗我都犧牲唔少，我決定要煲番金枝慾孽同走過浮華大地:)
記得最初睇講英國果一、兩集，睇到隻眼發晒光，真係好想去@@
但食飯果陣時成家人硬係鍾意開住《中國好聲音》送飯囉haha.
呢個歌唱比賽的確好精彩*V* 好多參賽者都好犀利囉LOL 勁`!!
好囉犧牲睡眠時間唔再講，但都只係一兩晚夜到點幾先訓炸:P
最好笑係有日溫溫下BIO，不經意咁趴係張檯到十分鐘；
之後條頸覺得唔舒服，就好似成條死屍咁攤係張櫈到訓十分鐘；
最後都係發現係梳化上面打平訓番個幾鐘先至係最舒服既XD.
但或者太大壓力喇-__- 成塊臉花到嚇死人，吊鐘生飛滋X___X
果個星期真係痛到咩都唔想做:O 有時係屋企就係夾夾添囉:$
溫書既同時都不忘HEA下@@ 溫到冇咩精神既時候就剪下片:P
結果不消三日就將三月4B去做SERVICE段VIDEO剪好B-)
有幾次講過為左下年既POST而煩惱，宜家基本上冇得簡嚕:$
所以都係暫時應承住PG先啦:) 除非最後有個更吸引既條件啦:P
我真係想參選SA，因為下年學校開放日實好多挑戰學到好多野:)
但一切都要視乎自己分唔分配到時間係溫書同活動兩方面先啦:D
記得四月頭LS同埋CHEM TEST都放埋一齊，讀得幾吃力XOX
升到中四之後多左好多NON TEST DAY TEST...冇次考得好-__-
所以就算最後CHEM做完卷零把握都冇感覺，唔差在衰埋去ORZ.
記得考完LS仲同MS.IP傾左半個鐘@@ 原本係講POST既野架...
但最後又講讀書問題，又講英文堂，又講老師辭職LOL 犀利`!!
嘿`!! 亦師亦友既MS.IP，真係好多謝你一直以黎擔任我既明燈:D
四月十三日，學校既小型開放日，今年主題係人民學科LOL
印象中上年既SCIENCE DAY我係完全冇參與過既XD.
中二果年個唔知咩DAY就擔當過學生大使，其實幾好玩^0^
但呢年就決定幫MRS.LAM手係詢問處做接待既工作B-)
成日差唔多由朝坐到晏咒-__- 仲悶過平時返學囉我覺得>_<
只係不停同孔老師`BREAD同埋RACHEL傾計，就係咁...
唔知點解今年開放日個反應咁差，都唔知係咪冇做過宣傳:O
成日長達六個鐘既開放日竟然只有四百幾個人蒞臨參觀*OO*
真係好難想像...我宜家熱切期待下年大開放日既熱鬧場面`!!
人次極低，但動員人數遠超出實際需要LOL 變得太多冗員。
點都好啦LOL其實下年除左接待，有冇啲多少少挑戰既XD.
嘻不過果日完左FUNCTION之後MRS.LAM請我地食糖水:P
十幾個人坐係鋪頭到一路食一路傾計其實都係件幾開心既事^0^
果晚係婆婆屋企打左陣廣東牌，有時覺得三番起糊好玩啲@@
因為打台灣牌實在太講求食糊速度同埋自己本身既手風>__<
第二日夜晚舅父佢地又帶埋啲鮑魚上黎同我地一齊開大餐XD.
但最搞笑既就係我地決定將鮑魚同埋豬骨味既出前一丁一齊食-V-
果晚仲有打機打牌添囉:$ 但呢排打親台灣牌都好似冇咩錢贏咁:(
四月十五日，宜家上數學堂已經搵唔番學期初果種衝勁喇真係...
以前起碼自己做數，但宜家佢有佢講，我有我講或者發夢:O
跟住叫做CLASSWORK又HEA...係要做功課先自己睇番成課-__-
呢日仲衰XD. 兩堂連堂無時無刻都離不開GOSSIP-V- 唉想點.3.
晏咒打班際籃球，對4E呢場根本冇咩勝算，但係出乎意料地：
RAYMOND係4B個組講話唔係著住校隊件衫就識得打波@@
著菊花牌既底衫都可以好好波，唔好打定輸數，要打過先知-V-
睇左呢段野我的確自我反省過-__- 永遠都係好想推卸唔洗打@@
就係因為自己對呢項運動毫無駕馭能力同對手比自己強就卻步，
但呢次師兄又傷左，ALEX又請左事假，我不得不披上戰衣+_+
慶幸最後都冇跌親LOL如果唔係隻腳基本上可以唔洗要haha.
比賽開始前果五分鐘，RAYMOND係僅餘時間講左可以點走位，
講左比賽進行緊每個人係場上既責任係咩野>_< 但奈何...唉X_X
自問我已經好盡力防守，冇晒體力既情況下仲可以走上走落ORZ.
亦都試過照RAYMOND咁講係佢進攻緊果陣時盡量幫佢解圍:O
唔敢講成效幾高，但我問心無愧XD.仲有頂住WELTON架XD.
中間個BREAK落後十二分左右，RAYMOND成個人變晒:(
「我講過咩，對方進攻既時候即刻回防，守深啲頂住佢地！」
「對手成班都係廢柴黎既，一個高既，一個肥既，一個傻既！」
「你地行咁前做咩？陣間打好啲，將差距收窄到單位數得嘛？」
差唔多成班同學聚集晒係場邊，好大聲咁叫左句4B加油啊！
果刻我覺得好溫暖...好似好耐都未感受過咁有決心做好樣野去@@
雖然完場前RAYMOND力追唔少分，但仍然輸15:29 X___X
透露多樣野@@ 果十五分全部都係佢一手包辦...好犀利啦已經`!!
缺少兩個主力既情況下依然能夠有咁既表現，相信都過得去>_<
打完唔少人遞冰水遞紙巾，甚至拍拍膊頭，好感動T^T多謝`!!
之後果兩堂BIO呼吸好辛苦，成條氣管都唔知發咩神經-____-
認真打足一個鐘羽毛球單打都冇三十分鐘籃球咁辛苦囉好冇-W-
落堂返到課室體力完全透支，趴係張檯到訓可以訓到冇晒知覺:O
返到屋企只係覺得成個人好乏力，作病？但訓左陣又冇咩事LOL
呢啲測驗前後既日子硬係會搵好多唔同既藉口比自己偷懶下*O*
話說測驗周展開前個星期五我地班又爆左一樁傳遍校園既新聞...
大家見呢日淨係CORES...不約而同咁樣請假-__- 病既當然例外:$
坦白講我事前都有刻咁樣諗過XOX 但最後始終打消左個念頭@@
英文堂仲玩左個關於EASTER既QUIZ`!! 唔知點解我玩到癲左:P
十位同學缺席並無影響上堂，照計數、照做中文綜合、照上LS-V-
個個老師黎到都有啲詫異，跟住都唔發表任何意見喇，心知肚明:S
晏咒MRS.LAM仲話我地班出晒名添，難怪啦教員室冇秘密LOL
加上廿三班加埋既缺席人數都唔夠我地一班呢日多，真係經典+_+
果晚補左兩個幾鐘數同左媽咪食飯，仲好順便食埋手作雪糕:P
認真食過幾次薄荷、荔枝、蕃薯、綠茶都係不錯既選擇黎haha.
哈哈，呢晚同媽咪好平凡咁係新翠渡過半個晚上，異常滿足咁^0^
|
