尋晚最後都放棄左皇馬對多蒙特場歐聯，唉止步嚕:(

今晚我捱眼訓都要見證巴塞扭轉局勢架喇hahaha.

點知-____- 再食多三隻蛋，兩回合加埋食左七粒@@

唉，估唔到巴塞都會擺烏龍，防線都會有崩潰既一日...

尋日返到屋企坐係張櫈訓著左，但竟然比口水嗆親-V-

之後又成個人懶洋洋攤係梳化到，諗到今日放假就開心:)

好啦今日學完琴係姑媽屋企逗番左成個晏咒，有麻雀打:D

坦白講最初打得好保守，因為個個姑媽都好有LUCK@@

最初只係諗住穩穩陣陣不過不失就算架喇，直到...XD.

有鋪牌開始自摸，仲連續拉左四個莊，真係暗暗歡樂*V*

開左個頭啲運終於黎，手風順好多，好多時都摸到要既:$

雖然唔係食到啲咩大牌，但拉下拉下都贏番唔少錢囉:D

最後幫到媽咪收復失地，原本輸緊幾百經我手變到一百:)

就係因為媽咪見我旺，嘿所以足足比我打左四圈添囉^0^

哇呵真係太滿足`!! 呢三個鐘對我黎講過得實在太快喇>_<

諗番廿八號果晚成去松屋食放日式放題真係太回味喇*V*

我真係期待左好耐，特別係綠茶雪糕、一品料理同魚生B-)

只可惜今次不復當年勇X__X 記得以前係由頭食到尾架:O

但今次呢四個鐘既環節真係...好快飽，跟住就變到慢慢食:$

最驚喜既就係今次魚生以冰鎮上碟，啲三文魚有時厚到呢...

明明應該要切片架嘛-V- 但硬係覺得果晚好似係切條咁XD.

啲串燒菠蘿、翠肉皮、牛脷同羊架都唔錯，每次指定要食:D

但永遠都覺得果度既天婦羅蝦、炸蠔同芝麻雞翼麻麻地@@

好啦呢四個鐘同爸爸媽咪舅父舅母有講有笑真係好開心^0^

好啦最近兩年生日都係XX歲生日`!! 嘿終於十六歲嚕:P

我深信年齡不是問題，只要保持番些少童真就係好事黎^0^

呢年既四月尾有一連串既事件都令到我好感動好震驚:O

記得廿四廿五兩晚媽咪都煮左啲我鍾意食既餸，腐乳通菜、

梅菜蒸鯇魚、菜譜炒蠔仔煎蛋，炒豆角、蒸雞同蝦仁炒蛋:D

媽咪煮飯本身已經好叻，加埋佢呢番心意真係...好感動>__<

好似永遠都會盡量滿足我既要求咁樣，真係太多謝你喇@@

剛剛踏正十二點零時零分，爸爸媽咪衝左入房鍚我祝福我:P

嘿其實真係好WARM `!! 另外同時仲有成堆WHATSAPP:)

其實每個人都記錄在案:$ 你地真情流露我一定會銘記於心架:D

嘿呢日點名果陣時成班慣性咁樣唱生日歌啦，個感覺好特別...

之後MRS.LAM問鍚唔鍚得，我有啲SHY咁答左冇所謂之後，

JOJO就係度踢爆我話：佢話被鍚英文同ECON會考第一:P

我衷心希望MRS.LAM既香吻會奏效XD. BREAK A LEG:$

放學之後RICKY`HENRY`EDWIN利天恩同左我去食飯XD.

壽星公正日生日有咁多優待真係好^0^ 嘿多謝你地餐飯haha.

幾個傻仔係PIZZAHUT傻笑，講是非，抽水真係好開心:D

坦白講有時望住HENRY比人「陷害」個樣真係好想笑XD.

最精彩莫過於餓鬼搶野食，食蘋果批加雪糕個情況最嚴重-V-

但我想強調一點就係個凍冰冰既雪糕配熱辣辣既蘋果批好味:P

側邊仲有啲士多啤利做點綴@@仲插左支飲管扮蠟燭要我許願:)

話說夜晚溫BIO溫到頹晒，但食完蛋糕即刻補充能量*V*

食之前仲花左好多時間影相@@ 成間屋嘻嘻哈哈，癲晒`!!

雖然連續幾年都食北海道牛乳芝士蛋糕，但太好味喇^0^

連續第四年要由一堆教科書陪住自己過生日，唉>__<

睇黎我要捱埋黎緊果兩年先至可以重獲自由嚕haha.

但都已成習慣啦:$ 記得上年有晚真係好諗唔開呢樣野，

成日都覺得點解自己咁唔好彩撞正考試，人地生日去玩，

我生日去溫書LOL 所以果種羨慕既眼光就會浮現出黎:O

不過果次比人CONSULTED完終於唔會諗埋一邊，

直到宜家我都覺得生日溫書都不是什麼的一回事啦XD.

活得平凡中的喜樂更長久，回味更深；有時玩得太興奮，

太激烈，突然的靜下來反而會覺得有點失落:) 好岩(Y)

唔少人都話人愈大對生日愈冇感覺，甚至愈唔重視囉:S

但我仍然好珍惜每年生日，即使簡簡單單都可以好難忘:)

有時候係咪真係自己諗野太天真，定係太過理想化:O

感激所有留過言、親口講過生日快樂等祝福既朋友^0^

最後希望以後可以承爸爸媽咪果晚既祝福咁，身體健康，

聽教聽話，處事要再成熟啲同埋最緊要學業進步haha.