Really just a few words to say...I hope@@

九個月之前，我記得自己許下個好重要既承諾-___-

曾幾何時果種衝勁可以完完全全支配我既每分每秒，

可以將自己全心全意咁樣奉獻落班會既大小事務上。

今個學年，我都好想了解究竟有咩因素影響呢團火，

除左CONCERT同PARTY之後就係閒事莫理咁。

班會主席，就算有幾忙，都應該抱有呢種態度架咩？

每當我無聊瀏覽學校網頁既時候，總會不經意咁樣，

沒頭沒腦連結左去「最佳班會走勢」既果頁分析戰況。

時間一日一日咁過，我地4B班就不停走下坡LOL

最有趣既竟然係曾經試過包尾，WHAT A SHAME!?

最近得知我地班只係同最高分既4D班有兩分之差@@

果刻我清楚知道只要愛心班別贏既就可以壓倒勝出^0^

真係好期待、好憧憬、好興奮，好想見證呢個時刻:O

呢兩年間唔中就會聽到RAYMOND係耳邊講既一句：

有親佢同我既班都會係最佳班會黎-O- 真係...見笑喇...

接連每個晚上都會經常去更新，睇下有冇第一手資訊:$

直到今日，派過卷之後再次受到一次...沉重既打擊XOX

對於一個好勝心強到咁既人黎講，第三，似乎接受唔到。

永遠有啲出乎意料既事，或者達唔到目標就會崩潰@@

但事實正正放係眼前，根本就未輪到我話唔接受-_____-

有刻我後悔，後悔點解呢年眼見4B咁樣都可以當冇事。

記得上年岩岩出左分班名單，大家都會留意到個現象...

絕非自誇，唔少人都覺得我地B班雖然女同學佔大多數，

但三十八人當中好多都好犀利同有號召力，簡稱「星」。

坦白講我最初都因為呢個情況而有少少沾沾自喜過>__<

星，愈多，就理應愈團結，愈出眾，但似乎冇咩進展X_X

的確成個學年我地班都融合，從來唔會有人無風起浪，

甚至唔會遇到任何阻撓，其實自問我覺得條件不錯+__+

但就係因為太好，大家，就連我都格外唔上心，唔主動。

就算大家私底下幾好傾，幾玩得癲，合作得幾有默契都好，

「靜」呢個字正正就係今年4B班上任何堂既一貫作風。

我相信我地每個人都想贏，每一個都想結業禮可以坐禮堂，

每一個都想聽到從司儀口中會讀到4B係最佳班會，

成班三十幾位同學加埋MRS.LAM都可以分享當中喜悅:)

因為呢個名譽似乎就係可以代表果班同學係格外出眾。

過去三年，都有幸親身，或者見證班會主席上台致謝辭，

開學初我真係期待過可以連續四年贏得呢項殊榮V___V

或者呢一切都係我諗得太多，睇黎都係踏實少少好啲......

我知道宜家講任何野都改變唔到個事實，唯有慢慢接受，

但我要證明比自己、比4B既每個好伙伴、甚至每個人睇，

我地4B班依然獨特同出色，B4BRAVO只係屬於我地`!!

彼此既感情、團隊精神絕對唔會受比賽既成敗而有所規限`!!

因為。。。這就是打不死的4B:D 黎緊既聚會要搞好啲*O*