嘗試逼自己諗番啲開心野調劑下心情LOL
所以暫且將CAMP、功課所有要用腦既野放低！
本身開始有啲遺忘:O 唯有睇番JOJO果篇啦XD.
我最初都諗過好冇唔打既，但好好醜醜都寫少少:P
八月廿二日，雖然RICKY呢日唔再係壽星仔喇-V-
夜晚會合埋JOJO`SARA同FION買埋蛋糕啦:P
去到金百利廣場既PANCAKES COLOUR CAFE，
HENRY`ALEX`PHOEBE同RITA已經久候緊，
等緊MANWONG同RICKY就開始睇餐牌點菜喇:P
坦白講大家都有選擇恐懼症，單人餐同四人餐之間決擇，
其實最初見到價錢我呆左，因為意想不到地貴haha.
最初仲怕唔夠食添，但慶幸離開餐廳都係滿載而歸既:)
話說個SET FOR 4有餐湯、小食拼盤、兩個主菜、
一個標準SIZE既PIZZA、飲品同甜品XD. 不錯(Y)
菠蘿炒飯、海鮮寬條麵、千島海鮮PIZZA都過得去既，
反而杯焦糖鮮奶咖啡同白朱古力法式PANCAKE好味:)
MANWONG呢日教我地玩左個類似非洲話事啤既遊戲。
每人放張牌係額頭到，目的只係比其他玩家見到架姐，
跟住第一個只可以叫"A"或者順住落果個號碼啦@@
呢個遊戲好講運氣，因為當你叫到同自己隻牌一樣就輸，
所以我地有時都可以捉心理，嘗試FAKE之後果個人XD.
其實我都幾怕輸，因為輸夠三次要大叫I AM DRY囉:O
好彩我就兩次止步，RICKY呢個壽星公就擺明有LUCK:P
同MANWONG`HENRY成功被用黎娛樂大眾啊haha.
有時見到自己或者佢地極速輸左真係會笑左出黎架-V-
哈FION仲話我地十個望住佢啲眼神好賤格，好不安ORZ.
BREAD十點左右終於趕到黎呢個生日聚餐hahaha.
跟住JOJO就借故行開順便請職員打點一切咁啦LOL
而我地繼續若無其事咁玩加一減一CUM棉胎，好犀利:)
原來呢個昇華版既玩法冇想像中咁難HANDLE姐嘻嘻:P
話說RITA同PHOEBE就打眼色問個蛋糕去左邊啦@@
跟住我就用淡淡定眼神回覆，大家既演技都有咁上水準:$
正當大家興起既時候，餐廳傳黎一首生日歌變奏歌haha.
原本係傳統果段啦，之後播播下會有啲搖滾味道架囉LOL
侍應從後捧住蛋糕，我地十個人就圍住RICKY唱生日歌，
果刻成班人都真係HIGH到一個極限，主人翁仲匿左係檯底。
大家終於意識到要冷靜喇，果刻先至發現原來我地咁鬼嘈-__-
因為我地十個收聲冇講野先至發現一直以黎得我地呢檯咁嘈......
嘿不過唔緊要啦，反正我地都慣左樣衰就一齊樣衰架啦>___<
吹完蠟燭許完願並非食蛋糕，而係互相做人工美白囉好冇*O*
每人沾啲CREAM就任由搽落身邊既人到啦，失控狀態！
永遠都係HENRY同我比人禁住黎搽架:S 下次要叫唔好！
不過HENRY就慘少少既，佢塊臉同個蛋糕確實冇咩分別。
好啦每次我整落FION到，佢就會以飛毛腿黎回散我LOL
我仲唔小心將啲CREAM督左落BREAD個鼻窿到笑死>__<
跟住我就頭髮又有、頸又有、額頭同臉既每個角落都中招:S
呵啲CREAM真係幾油@@ 但客觀講句好適合GEL頭囉......
影完相留念之後終於捨得去廁所落裝-W- 都真係...花臉貓~_~
好啦我地已經唔會介意衛生問題，口水大交流SO WHAT!?
最後花左好多時間先至SETTLE到埋單數...成千五蚊-V-
唔知點解MANWONG會帶大家唱MY BONNIE加做動作，
我最初心諗：嗨去北京玩過啦，對我黎講冇難度haha.
點知試左幾輪發現自己其實有啲唔協調，真係喊出黎XOX
最後我地成班係大街，RICKY`HENRY`MAN排成直排，
就輪住咁用唔同語言講左句「我好乾啊」咁樣啦haha.
其實都唔算大聲.3. 算啦反正我都係攞住爆谷等睇戲-V-
最意想不到就係佢地叫果陣時竟然冇途人注視佢地-___-
唯有我地幾個自娛，將佢地係大街大巷既核特野錄低XD.
嘻嘻雖然呢次GATHERING唔算話有咩特別驚喜@@
同樣都係嘻嘻哈哈，唔知做左咩既情況下過左幾個鐘，
咁岩開左個延續到既話題就會引起我地十一人既迴響:P
比如MANWONG會分享好多係蒙古既所見所聞咁樣。
同呢班朋友出街每次都夜媽媽先返屋企好似變成慣例，
仲有每次都會有啲新突破既熱血野，今次就係搭電車-V-
真係好瘋狂:O 因為我地某幾個未有意欲散BAND啦，
所以十二點鐘仲可以六個人打斜穿越維多利亞公園，
見到電車就跳上去...成班人逼埋一齊自拍影相，焗死人+_+
途中收到MANWONG果張P圖真係笑到痴晒線>___<
跟住成架叮叮既上層就充斥住七個傻仔既大笑聲啦haha.
返到屋企差唔多一點，又係一晚體驗夜青既生活啦LOL
貴精不貴多，相聚次數愈多唔代表同呢班朋友愈親密:D
相反，宜家咁樣反而會更加珍惜每次一齊玩果幾個小時:)
相簿入面幾張醜態畢露既相，正正成為呢日既焦點XD.
有時候想約大家去玩硬係力不從心，大家既時間太難就，
莫講話去長洲宿營啦，連約日齊人去踩單車燒野食都難...
慶幸呢日我地十一人能夠抽空，彼此又再多段難忘回憶:)
頭先睇番岩岩星期六P.G. DRAMA果條VIDEO @@
加埋FLASHBACK番瘋狂既呢晚，似乎放鬆好多:O
唔知呢啲治療心靈既良藥個效用可以維持幾耐呢hehe.
|
