兩點先至起身，我諗都應該冇咁快眼訓掛:$

功課嘛，今日終於花左幾個鐘清晒嚕，大滿足:)

最興奮莫過於頭先將英文SBA份稿打完^0^

其餘時間都係花左係搵CAMPSITE上面XOX

中秋節，記得以前屋企會掛好幾個燈籠XD.

跟住夜晚就會同爸爸媽咪去左鰂魚涌公園散步，

啲螢光棒就會圈到成身都係，閃閃發光好好玩:P

當然亦都試過故意定唔知蓄意整斷左支野@@

而啲CHEMICALS就搞到周圍都係喇haha.

細個去大坑睇舞火龍會捉住爸爸媽咪隻手捐過去:$

細個既中秋節真係多姿多彩，其實真係有啲嚮往>_<

PREFECTS ORIENTATION DAY，一星期前既事。

感謝呢日冇再遲到，準時起到身去百利同佢地食早餐:)

七點幾真係仲早過平時返學囉，冇計啦要有犧牲嘛XD.

同FION`BREAD`KAPUI`HANGCHIT傾得好開心^0^

大家呢朝都好有共識咁會搵番中一果陣啲事蹟緬懷下-V-

返到學校又係好趕急咁SET場地，有啲方寸大亂既感覺，

最初開會所訂下果張時間表，都真係只作參考用途haha.

呢日最初同FION帶火燒後欄果陣時真係有啲頹...

可能講解得唔多清楚，大家未投入，所以都呆呆滯滯咁:S

好彩跑左幾輪之後終於搵到果團火喇，我地仲落埋去玩！

話說MR.PANG捕捉到我同BREAD果個動態影像太強:P

之後果幾個集體遊戲整體都不錯啦，只係間唔中有啲瑕疵-V-

大地震又係另一瘋狂時刻，全部人為左「生存」走到好癲*O*

呢日既午餐都豐富喇，到會同PIZZA多到食唔曬添囉>_<

校長仲黎左JOIN我地，輪住同一眾PREFECT傾幾句:P

至於遊蹤都同FION好BRIEF咁講完就正式開始左喇`!!

歷時兩個鐘，每組要追COM追TASK攞提示搵寶藏，

寶藏既作用就係將每組呢日累積既分數倍大啦，嘻嘻:$

最初果半個鐘我清白之身，成功搵到多處容身之所haha.

有時仲要半蹲咁樣係走廊到跑，以免暴露自己既行蹤嘛:P

當然比人見到就要拔腿喪跑，跟住再係殘廁到歇一歇XD.

諗番起上次PG CAMP同阿DY周圍搵啲角落匿埋*V*

我地仲傾左好耐計先至比人察覺到，緊隨就係大逃亡:P

嘿嘿每次成功以速度擺脫對方追捕真係好有成就感架@@

兩個鐘頭既跑動終於結束，大家都喘晒氣，流左唔少汗，

加上我地某啲TASKS又係好DEMANDING囉A__A

不過只有咁樣先至能夠令到一組人團結起黎合作同包容:)

坦白講經過呢次活動我學識點樣令到自己唔好咁執著喇，

雖然有時未必過到自己，但只要凡事問少句諗少啲就得。

不過當然每次開會都會出現，亦試過放學傾到七點囉@@

無論做咩都好，只要成班人係向住同一個目標就會好開心:$

我唔敢講呢日令到我對呢個組織既歸屬感提升左有幾多，

但至少我相信自己無論籌辦定係呢日帶GAME都投入既，

最初知道有班中五既PREFECTS故意或無意唔出席，

我真係會失望同埋嬲，嬲點解呢班人可以搵到咁多藉口，

點樣可以將責任心完全拋諸腦後，話晒都係一個團隊黎！

不過算啦-V- 損失又唔係我，只係佢地錯過難忘既一日-W-

相反呢日出席既PREFECT之中亦有部分係中五既同學，

見到佢地願意花一日時間返黎帶組參與果刻真係好感恩。

即使有幾位到LUNCH時段先返黎已經起到好大既作用:O

好似PINKY同JENNA咁帶起同自己組員玩啲GAME，

量詞接龍、NINJA、朱古力波彈彈波、數字球等等既野，

令到成個禮堂既氣氛升溫，將每個人既距離拉至最近，

原本係台上傾緊晏咒活動既我地都比呢個場面完全融化...

呢日收藏到既相唔算多，但每張背後都有段深刻既回憶:)

無論係老師、籌委定同學間都打成一片，甚少隔膜XD.

最後同自願幫手既JENNA將啲課室還原之後一齊做檢討，

我地九個人係訓導室認真時認真，又會拍檯同有講有笑，

講番呢日既活動有邊啲地方做到不足，需要改善同留意既。

每個COMMITTEE都將呢日既趣事攤出黎同大家分享，

我地創立左個叫做「攞籌發表言論」既制度，輪住黎講，

最好笑就係IVAN遊蹤既時候比人呼呼喝喝，好悽慘-V-

仲有KAPUI永遠都係比兩組同時間夾攻，不停比人扯住-V-

就連JASPER都會「大」字形咁樣係走廊到擋住我地-V-

我亦試過跑到走廊尾有組員會突然係轉角位企起身捉住我，

跟住十秒內佢既組員就會黎到我身邊，將我「捸捕」-V-

另外又會因為我將個遊蹤提示貼左係個垃圾筒個內蓋到，

而令到每組同學去到唔同班房既時候都會先炒亂個垃圾筒:P

七點，學校四周既燈光都變得昏暗，活動同時正式落幕。

儘管準備時間幾倉促，事前都呢次活動既期望唔太高，

最終個反應比預期既好，全因我地既努力同大家既支持:)