意想不到自己可以比傷風呢啲問題纏擾咁多日XOX

把聲依舊好重鼻音，究竟幾時先至可以回復正常:O

話說V.A.終於上左兩堂，真係好輕鬆好鍾意上:D

繼續畫緊水彩畫@@ 其實ART CHAN對我地好好，

但呢個學年起唔再外借啲TOOLS就唔係咁好囉-3-

今日同樣時間出門口，但交通問題遲到囉，核特-__-

難得今日中文堂既氣氛熱烈左丁點兒:P 我有份舉手B-)

呢個舉動都好合理，進度再係咁慢唔只補一次課喇+_+

跟住孔老師好似精神錯亂咁唱歌，又話咩N咁多次...

晏咒食完野就同成班人係度打排球，準備班際！

哈五年黎首次LUNCHTIME係操場果度咁放縱-V-

打到件恤衫啲邊飛晒出黎，但其實成班人練好爽囉:D

講到放飯，尋日同PG COM食飯，傾計之餘不忘開會:P

當中有人訴完苦之後MAY姐就會係度搞GAG啦><

雖然講啲野無無聊聊，事件間又冇咩關係，但好開心:)

其實都幾輕鬆，如果兩星期食次飯都唔係好過分姐LOL

最近寫左份問卷，主要圍繞番上星期PG個PARTY，

類似啲迎新活動咁，遊戲加茶點，短聚一個鐘多啲:O

其實事後諗番都有啲混亂，比如時間分配係大問題-__-

同埋間唔中就會有啲遊戲既物資甩甩漏漏咁樣囉XOX

另一方面呢次都主要比中四班COM主持啲遊戲啦@@

始終都需要累積，日後，或者下年先可以應用番出黎-V-

呢個活動既存在原因係因為今年招募左太多新既學長，

導致新舊既比例恰好相同，希望可以藉此有個基本認識。

雖然大家中段氣氛都好激烈，不過最初真係靜左少少@@

加上放學後舉行，時間唔算長，難免會有啲限制既>_<

能否達到目的就見仁見智，但我覺得整體都可以接受:)

邊個LAM野-V- 完全參考番以前味分高下既節目。

同樣三年前既EX-1A CHRISTMAS PARTY玩過:$

其實都幾變態，蛋撻加辣椒油，我試過都覺得好難頂；

可樂加醬油一比一比例，芥末青瓜小卷，鞋底放波子:P

或者有時每組既等候時間幾長，但大部分都好落力計-V-

當然都有唔少人FAKE左台下既組別，實在太有趣@@

第二個遊戲玩踩波，只係見到組組都發晒瘋咁樣追逐，

隨即見到好多隻飛毛腿@@ 有啲危險既同時好多吵鬧聲，

成個禮堂都係爆波同尖叫聲，班老師係後面笑住咁睇>_<

最後乒乓奇兵...不予置評，呢類遊戲真係唔可以再玩喇-_-

大家EVALUATE果時發現只有初中生先至適合haha.

話說訓導室有時候變到好似係PG同PREFECT共用...

存放物資、開檢討會、好多野都會SHARE黎用咁-W-

今日放學個中一個領袖訓練都同CKP去幫劉姑娘手-V-

中一嘛...我都唔識講@@ 想當年我地點會嘈到咁樣架...

正如劉姑娘所講，好似街市賣菜咁，講親野就青筋暴現，

跟住個幾鐘既活動就好癲，先口角繼而動武，周圍走-__-

明明上年TRAINING班學生都唔會咁唔受控制既:O

最後佢地玩完幾個遊戲，對「領袖特質」有基本認識，

我同CHUNGKAPUI都好似上年咁做少少分享啦@@

其實講真我地都唔打算講太多經驗，佢地都未必吸收到，

最後就咁提過班會每個職務既工作同埋一個團體既意義。

坦白講我今日望住佢地既時候都有種燥底既感覺既XOX

劉姑娘唔鬧，依然拼命咁嗌就真係唔代表你地肆無忌憚...

識得寫做領袖要聆聽、乖同合作，你地又做到幾多呢？

結果，我同CKP攞到咪就好認真同嚴肅咁樣講規矩。

佢講到大家眼耳口同樣重要，但不停發言不比細心聆聽好。

但我見到我講呢番說話既時候仲有人玩緊我真係...崩潰，

所以講「尊重」，最基本係人地講野要留心聽先唔會錯過，

正如做文書咁樣你開會聽漏意見寫少左冇可能問番主席，

就算唔洗寫紀錄，你總冇可能同時間幾十個人發言架LOL

至於「付出」，唔係你做完自己既本份就叫做任務完成喇，

團隊既特點就係大家無分彼此，互相合作、溝通再幫忙嘛:)

或者我地講既野令到氣氛有少少彊，始終佢地都係新生黎，

但既然擔當得班會既領袖，首要既係先學識應有既態度囉...