超級享受成日廿四小時不踏出屋企門口半步既日子，
對我黎講呢啲先叫假期，難得尋日訓到點幾先起身:$
雖然留係屋企都係上網溫書做正經野，但感覺好唔同，
至少唔洗周圍頻頻撲撲，的而且確輕鬆好多架hehe.
提外話我終於追番晒ECON既進度，好多理論都明左，
果刻實在太興奮，以後上堂專心啲就唔會再落後喇-V-
但遲起身既代價就係錯失左去浸大同城大既機會-3-
其實我都幾想睇下浸大既傳理同埋城大既法律系架囉...
我覺得自己呢星期太崩緊，張CHECKLIST寫到好滿，
日日都會有新既工作加上去，真係唔知點支撐到今日@@
但慶幸困擾既東西，姐係班會、英文演講份稿、溫習、
辯論既準備工夫、PG破冰活動既檢討報告統統清理好:)
有樣野唔同左就係呢個星期早左訓，亦都早左起身-__-
刻意刁難自己五點幾就爬落床繼續未完成的工作haha.
當然都出現體力透支問題:O 尋日打完學界上左巴士之後，
不足五分鐘就釣晒魚咁LOL好彩銅鑼灣塞車可以訓耐啲:)
巴士比起地鐵好既就係呢樣-V- 同埋訓都訓得舒服啲^0^
上個星期日晚同上年既PG COM團隊去泉記打邊爐-V-
變左自助形式、地方變得污糟、食物質素下降、收費上升，
所以呢到唔會再黎第三次haha. 算啦呢餐既目的係聯誼嘛:)
其實最初都幾DEADAIR囉，大家都唔開新話題講咁，
但後黎又變到是非滿天飛、探討各FORM每對情侶-V-
跟住又會談及老師、充滿喜樂、笑聲同埋苦水既一晚:P
最衰我地今年PG CAMP既時候佢地幾個考緊DSE啦，
如果可以加埋呢班元老既話肯定會生色不少架姐hehe.
我果隻左腳小腿終於康復得七七八八喇，太好@@
先前拉傷果塊肌肉真係痛到行步路都好辛苦>_<
或者一切都源於有次練波抽緊筋仲繼續打既事有關:O
有啲後悔呢星期連續打左四日羽毛球，差唔多八個鐘...
仲有新教練黎左執教，幾友善同埋暫時教得還好啦:)
但始終都係掛住張教練果套模式，每次都不停流汗*O*
仲記得佢用普通話講「累了嗎？還未就再跑！加油！」
每次佢果種語氣都有種難以抗拒既振奮作用，好強大:D
話說上星期二我塊羽毛球拍仲要打斷線，禍不單行喇:(
岩岩星期五就係港灣道同ST.MARKS打學界初賽啦-V-
最初去到見到佢地我已經好冇信心，沉著應戰既態度，
但見到幾位隊友都咁輕鬆咁講笑都唔知係好事定壞事。
呢次排陣同首場唔同，負傷上陣既我打第一單同第一雙，
對方既第一單唔算好強，有時啲波回得高但係唔夠後，
結果都殺左好多板，但同時因為風向問題我開失左幾分...
最後以21:12既姿態勝出左喇，果刻都吶喊左一聲:$
每次企到落場都感覺到眼裏果團熊熊大火，太懾人XD.
但其後同盧諾晞夾果場雙打就風水輪流轉，輸番21:10，
對方無論係技術、默契定殺球各方面都係我地之上，
只不過盧諾晞呢日實在不在狀態，反應慢，比人猛攻，
仲犯左好多不必要既錯誤，開段試過被人拋離七比零。
其後既回合都不必多講喇，總局數都係上次咁輸3:1 T^T
或者呢場早已打定輸數，所以果種「失望」好快就平伏左。
有樣好神奇既就係打完兩場之後隻腳好似唔再痛咁樣-3-
好啦，總結就係雖然仲有兩場，但今年學界已經打完...
看似好矛盾既句子，但實情係剩番果兩場勝算係0% >_<
有樣野始終好難避免就係同級既每班始終存在鬥爭，
當然未必無時無刻都會看在，但至少排球會囉LOL
話說P.E.堂果時MR.HUNG叫我地兩班打場比賽，
贏左果班就有箱水作為鼓勵，結果又係敗北左>__<
輪到6C同5D班既對決，最初我係保持中立既，
佢地兩班每局都打到你死我活，啲比分真係好緊湊，
企係場邊睇都感受到果種喘不過氣來既氣氛haha.
過程唔多講，結果6C輕敵，低估左對手實力之餘，
5D班的確發揮得唔錯而晉身四強，金牌在望嚕-V-
哈！我地無論直接定間接都先後輸比兩班，好弱咁:(
最初同6C打完班際比賽相差幾分，大家都好興奮，
真係以為下年獎牌屬於我地咁樣，但事實並非如此，
原來有時候都會比一種自傲既心態蒙蔽左雙眼架:O
要扭轉呢個局面，或者我地都應該得閒約出黎打下，
至少彼此球技唔會生疏，仲可以保持住種默契嘛:D
如果遲啲有個級際循環賽比我地較量下你話幾好-V-
上星期六有個LEADERSHIP WORKSHOP啦@@
再聚「閃電十一人」，但至今無次活動係齊人囉-__-
最享受就係每位分享至今係學會工作上既時間XD.
因為大家會一口氣吐苦水，繼而互相鼓勵同比意見。
有時候聽到佢地話唔夠時間、同班幹事少溝通既時候，
我都會覺得好幸運，慶幸同身邊五位拍擋都冇咩問題:)
嘿珊珊仲講左樣好爆既事情：MS.LOOK係史林師姐`!!
但其餘時間都好悶，用唔同理論教點樣寫PROPOSAL...
我真係差啲係呢啲活動訓著囉+_+ 唉！完全提不起勁:S
同日晏咒同爸爸媽咪走訪左中大呢個咁愜意舒適既校園:O
正如Y.Y.LAM曾經講過-V- 偌大嘛XD. 無地圖死硬-__-
但中大個環境好吸引，周圍都好GREEN囉，小說風:$
唔知企係中大最高點俯覽成間校園既感覺又係點樣呢XD.
唔知點解每次進入大學既實驗室就會覺得好冇癮咁樣@@
果啲唔知咩CONDENSER...發現自己對呢方面冇咩興趣，
但當自己見到應用科學既宣傳單張又好似心旭旭咁，
或者好多課題都係關乎BIOLOGY，而唔係CHEM-V-
但講真MEDICINE`PHARMACY`環球金融真係唔洗諗，
我諗就算再點努力都冇咩可能考到三十幾分既成績架喇...
呢日係商學院睇到酒店管理同IBBA (綜合工商管理課程)，
IBBA既內容好廣，會計商管市場學同人力資源，幾吸引:$
往往就係認定自己應該係商科發展，因為好似幾輕鬆LOL
但呢行競爭都幾大，好多外行人都可以跨隻腳黎同你爭:S
雖然酒管出路仲可以係BANKING`活動籌劃果啲職業啦，
記得先前諗過做EVENT AND WEDDING PLANNER:P
不過正如媽咪上次所講-__- 有條件既就將目光放遠啲XD.
另外仲見到英文教育雙學士、心理學系同翻譯系幾有趣*O*
咁樣搞搞下我個「待考慮清單」就會不停延伸，再延伸@@
之後仲有個叫社會科學系，首年要讀唔同方面既基本野，
包括新聞傳播、城市規劃、經濟、社工、心理、建築、政治，
跟住第二年可以SPECIALIZE係最有興趣既果個範疇B-)
除左商科之外，呢啲科目又係好百搭:O 最重要係夠實用嘛:$
最後經過完法律學院之後我真係感受到兩隻眼都發緊光囉-V-
大興趣、良好就業前景，夢寐以求既一個FACULTY`!!!!!
讀完四年仲要考試，只有七成人合格，正式成為執業律師:O
的確好辛苦同會有壓力，但只要有張入場票我實會努力架>_<
我地仲問左個讀緊YEAR 2既大學生有關呢科既內容啦*O*
唔需要刻意背法律條文，但需要做好多CASE STUDIES...
雖然呢個首屆文憑試考生有LEVEL 4，但絕對唔可以鬆懈，
始終相隔兩年個收生門檻會有所調整，嚴格黎講係向上調整:S
與其左諗右諗，倒不如暫時為自己定下個奮鬥既目標先啦^0^
|
