呢幾日凍左好多啊，感覺係聖誕節要來臨喇:$

有時會忽發奇想咁諗係寒風之下置身尖東海旁，

比身邊溫暖而浪漫既聖誕氣氛紛圍住，好期待^0^

如果香港係個可以睇到落雪既地方，你話幾好-V-

嘿嘿過多一兩個星期都係時候要佈置間屋嚕(Y)

終於...終於渡過左呢個長達成個星期既測驗周>__<

成個人崩緊到個極限，對自己有要求自然有壓力:O

慶幸除左有晚兩點幾訓之外其他日子都好識節制，

如果唔係成塊臉果啲瘡應該比宜家既多成倍LOL

不過始終部分科目都係臨急生搬硬套咁塞入腦+_+

真係唔希望再好似上年咁得過且過，應付完就算:(

呢個星期再次體會到原來讀書的確唔係件易事...

只要欠缺一份決心、一份堅持，根本無可能成事。

從來只有測驗考試既時候先知道我有幾愛訓教:P

每日返學之前都會同自己講...陣間考完返屋企訓教:)

雖然小睡個半鐘唔夠，但都為自己補充唔少能量:D

如果以後日日食完LUNCH都有個訓晏教既時段，

會「很大程度地有效提升PRODUCTIVITY」-V-

話說宜家口入面戴緊既係另一個箍牙既療程黎架:(

始終兩邊既大牙都仲有啲偏差，想完美啲就箍耐啲:$

上次去牙醫檢查果陣時真係有史以黎未試過咁炆:@

佢地果啲TOOLS就有意無意係咁整到我啲牙肉-__-

喂大佬我有神經緊係縮:O 你地竟然叫我放鬆啲ORZ...

下次試下我攞把刀插你，跟住講句流啲血炸放鬆啲-V-

結果口腔部分地方損左，左右兩邊都多左粒痱滋XOX

早啲果陣時同媽咪爸爸去左食和民^0^ 好好味啊@@

或者可能因為我好耐未試過咁輕鬆咁樣出街食飯-__-

難得有時間可以一家三口坐低圍埋慢慢傾計食飯*V*

坦白講雖然測完驗，黎緊仲要追IES進度...英文講稿...

班會果堆完全無動力處理既野...天啊我好想去旅行散心！