心血來潮打番篇XD. 希望半個鐘寫好。始終尋晚失眠訓得四個鐘，考完試返到屋企因為執衣櫃而錯過訓晏教，直到呢刻兩點鐘已經足足工作左二十小時XOX難怪額頭同兩頰啲暗瘡久久吾消退！唯有訓教都夾起頭髮LOL 可能終有一日會見我戴住頭箍係街到周圍走。
今日睇到三篇幾意外既報道。一篇係講個前任校長放棄百萬薪金開辦義教補習社，幫啲基層學生。無糧出、無資源，能夠有份甘堅定既信念正正因為「平等教育」四個字。坦白講，我真係好欣賞陳校長，有啲想畢業之後即刻參與義教工作haha.
另一篇有關邵逸夫爵士逝世既消息，可謂全球一宗較為轟動既報道。聽番新聞簡述佢既生平事蹟，其實的而且確對社會有好多成就同貢獻。無論在港、內地，或者三蕃市都無人不曉。一百零七歲、一個世紀、一個傳奇，似乎我都要再學習佢長壽既方法－－笑。
幼稚園小朋友生活愈黎愈忙就既成事實，朝早返一間學校晏咒返一間，課後再有興趣班已成舊聞LOL 但五歲幾請私人補習，學啲刁鑽既外語就真係...想當年本少爺讀幼稚園都無「起跑線理論」。我真係慶幸細個媽咪吾會催逼我，慶幸童年有玩具呢個概念。如果吾係今時今日只會係個不會交際、不會解難、不知幸福既小薯仔-V-
考試已經過左兩日，身體積存不少無形壓力，每日都會覺得僅有既廿多小時唔夠用-__- 定係我時間分配出現問題(?) 晚晚叭完碗飯就爭取果十幾廿分鐘睇電視，其餘時間基本上都係處於持久戰狀態。我想講：考試温書的確好吃力，有時對住睇完都吾明既課題更為無助，但望住筆盒果句咁有意思既說話，總算可以作為自己既精神支柱-3- USH！努力撐落去！
為左能夠係異常壯大既空間裏飛翔，儘管路途再遙遠、走下去再勞累，都要學懂堅持，承受自己應該承受的。要是不走，只會後悔。
|
