終於擠到時間，原來耐無打要重新執筆需要勇氣......
呢個月以黎就係處於功課、補課同其他麻煩事既境況，
但慶幸偶爾都會有啲開心事調劑下，暫且遠離煩惱。
佩服自己基本上完成左兩年既箍牙過程，雖說唔太辛苦，
但有時候要帶住舊膠走黎走去都幾煩，驚住會整唔見-__-
至於宜家呢套固定器就成世夜晚都要帶住...不予置評LOL
佩服自己用左兩個鐘完成左半份PROGRAMME NOTE，
姐係黎緊考琴試要交比考官果份有關樂曲既資料啦；
佩服自己呢幾次學琴都有意想不到既改善，滿足得很，
簡簡單單比老師稱讚一句比一切都來得更開心；
佩服自己用左一個星期追番其他班既IES進度，
好努力咁樣花左幾個晚上坐係電腦前左抄右抄，
當然不忙再周圍搵額外既SOURCE同寫下觀點；
佩服自己岩岩星期一匯報果時MR.LIU讚我方向正確，
不過佢先揚後抑咁話啲FINDINGS唔夠特別囉，
咁就梗係啦，九個受訪者全部都係人格心裂出黎架嘛，
嘿既然方向正確就當然稍後繼續寫埋CHAPTER 4-V-
希望我唔好等呢把火熄晒先PICK UP番啦OUSH`!!!
題外話因為陳樂基既關係，我重新關注中國好聲音haha.
以往對YOUTUBE無咩興趣既我宜家得閒就逐集播，
跟住自己就埋頭苦幹做野，呢種生活其實都不錯。
雖然好多參賽者都會選擇叫破喉嚨，姐係果啲撕裂既效果，
但有樣野無可否認就係每個都好牽動到聽眾既情緒，
每次當自己聽到有啲神人奇技果時就好想對住個螢幕尖叫。
我覺得自己係個要臉子既人，記得有日羽毛球練波既時候，
每場單打比賽都輸左比啲細過自己既隊友，有啲心深不忿，
所以最近幾個星期都勉強叫做執番起球拍，練習番多啲@@
不過宜家諗番轉頭輸波都合理不過，的確「我老喇」哈哈！
平時少練波好多步法都生疏晒，速度同體能都差左一大截......
希望練番會提高自己穩定性，落點好啲，力挽狂瀾下啦>_<
重新物色自己既雙打PARTNER，終於決定試下同KYLE夾，
我地兩個幾年黎無咩機會合作，彼此既默契都...得啖笑，
唯有慢慢培養，如果反應同技術好啲，學界或者唔會咁核特:O
實在太懷念以前同盧諾晞夾果種感覺，啲球來回得好快，
我地兩個真係做到互相補位，只可惜最巔峰既時候已經過去，
嗯，我始終覺得自己跟住個比自己強既拍擋先打得出水準。
最後一個上課天，提早返到禮堂準備頒獎典禮既程序。
或者太多項目既關係啲安排好混亂，出錯又多......
中學生涯最後一次以司儀身份企係台上宣讀同學姓名，
諗番起中四初真係好怯場，咩時候都顯然見到自己手震，
儘管累積左一年既經驗，始終都未能夠完全征服大場面，
就好似周會彈琴咁樣永遠都唔夠穩定，都唔知點解-3-
直至七月十六日最後一次，身邊有合作左好耐既JOJO，
加埋準備接棒既兩位中四司儀，我可以好自豪咁講：
我終於克服到呢種無形既壓力，漂漂亮亮完成呢次工作。
返到課室接過成績表，都唔知應該抱咩態度看待啲等級，
的確有兩個術科既A，操行同服務等欄位都好可觀，
加上三科CORES都有B，但其餘既CCDD真係......
就連MR.WONG都刻意提醒我要追返ELECTIVES成績。
臨各散東西既時候，MR.WONG都代表全班祝福VICKY，
反而我地成班同學當日無咩表示，頂多就係果張大合照:$
中五既最後一個上課天，平凡但意味著「戰役」隨即爆發。
七月十七日。一年一度既小學雞聚會，約人難到嘔，
成班計埋老師有三十六日但仲有聯絡既得大半班，
最後出現係薩莉亞既只有七個，查實應該係小圈子黎-V-
話說叫個侍應影相果時竟然無影到坐係最邊邊既我-__-
感恩無比人趕走，好暢快咁樣傾左幾個鐘「夢想」XD.
每年約小學同學之前硬係會慣性擔心見到面會冷場，
但呢個諗法一次又一次被推翻，原來大家依舊多野講:$
食到中段果時MISS LO會之前執野搵到個紙箱，
入面裝左好多封信，仲標示十年後先可以拆封，
我地幾個得CARINA記得有寫過「給自己的信」，
唔知當我地大學畢業再聚會既時候會唔會少過七個人...
睇番啲相其實我地六個同MISS LO好似同齡咁，
希望呢份青春、呢份師生朋友間既情誼可以延續落去！
同日晏咒去左迪士尼，全年通行證既最後一次嚕@@
坦白講好多遊樂設施都已經係一玩再玩，真係為去而去，
或者遲啲等MARVEL同多啲園區新開至再買過haha.
雖然呢日天氣唔穩定，偶然都會落大雨，但雨後總會天晴，
恰好係灰熊山谷側邊見到條橫跨上空既一道彩虹，好靚<3
迪士尼最動人同微妙既地方在於果種浪漫而且典雅既氛圍，
就算今年第八次去，每次經過睡公主城堡，走遍每個角落，
都會不自覺咁按下快門，重新認識呢個地方咁樣，太特別！
希望聽日唔會好似今日咁擔遮踢拖都擋不住風雨啦，
希望下一篇QOOZA唔會相隔一個月先寫完啦，
六個鐘頭後又係一個要補課既早上，各位晚安！
|
