噚日用左大半個鐘打diary.....點知個"佢"字變哂做亂碼,真係xxxx....激死人啦! 識睇就睇啦! 唔識睇就算啦! 無時間再打啦! 今日一起身就開始溫Biology,o岩岩溫哂.....等間溫多次History...太多測驗啦! 聽日Biology...星期二就History小測...星期三就係中文....星期四Biology默書....星期五Chem默書,再加英文Listening....呢個星期又full左啦! 真係唔係講笑....上個星期諗住唔打diary,點知條氣頂唔順,死都要打! 聽日講真,真係未必有時間打呀! 聽日Lunch之後,就走人,去西區體育館打羽毛球第二場分組賽,之後又要補習,番到黎又要溫History....very busy!!

講下噚日仲未講完o既野.....有時一下子唔係好記得,依家記起又再打過....kaka!! 可能我個人係怪怪地,同左一個人反左面,之後又發覺又無咩,想friend番,通常我都唔會同o個個人講番野......今次佢實話我老屈佢! 跟住就肯定鬧我一餐.....費事咁樣衰呀! 我都唔知點解會覺得佢係鍾意LA,如果淨係因為佢成日同LA一齊而咁話佢o既話,我覺得好多女仔都會俾我咁話lor......我覺得佢係咁,並唔係因為呢個理由! 係因為佢成日阻住我,我覺得......如果唔係鍾意佢,又做咩阻住我....又成日話我唔得,身為我好朋友都要"踐"多兩腳......呢個時候,我就好懷疑我係咪信錯左你,係咪錯選你呢個好朋友.....明知我o個時無咩信心,需要身邊好朋友o支持,俾d信心幫我! 你就倒番轉,將成盆冷水淋落黎.....你講一次話我唔得,我d信心就跌一次......仲要話係當我friend先咁講.....呢d野,一次就夠! 你講一次,我都夠hurt! 仲要係咁講,好似好得意.....NKY今年先同我一班,無可能俾你更加了解我! 但係最起碼NKY俾到我需要o既野! 係我最需要o既時候,係我隔離......兩者做一個對比o既時候,我真係對你感到極度失望! 當正你係好朋友,有幾可我係會唔幫你,就算我係唔幫你,我都係迫於無奈.....有咩又同你講! 我都唔知點解你會咁對我.....我有對唔住你咩? 我覺得無....如果真係有o既話,你咁"踐"我,你咩仇都已經報哂......我又再一次對好朋友失去信心,無人再值得我去信任,點解每次我對你地咁好,你地都一次又一次咁對我! 難道我身邊已經再無好朋友,有o既,只係一d酒肉朋友?? 真係只有師姐先最值得我去信任,永遠都唔會出賣我?? 身邊o既好朋友係咪只會"哄"你落搭.....係咪真係"你當人係寶,人地當你,只係草!".......連續三年信錯左人! 唔通我呢一世都係咁! 好朋友係咪真係咁難搵......我知我咁講,又好似唔知點咁! 又有d自相矛盾.....我係想同佢friend番,但我真係希望佢明白知道我點解嬲佢! 我唔係一d"o岩聽就聽,唔o岩聽就聽"o既人....如果你真係覺得無可能,我希望你真係幫我! 唔係得個講字,係咁係度潑我冷水! 我真係希望你明白我係需要一d點樣o既friend!!

打完之後,個人有d無mood....有d嬲佢,但係又唔知點咁.....唉.......Charrie B前o個排都同我講,話d野全部都係我自己搞出黎.....我都唔係好想咁搞! 我都唔想搞到3D分化.....但係,我真係唔係一d好忍得o既人.....咁我覺得唔妥,就自然出聲! 呢個係我o既性格.....其實,我真係可以當無野發生過....但係佢又唔解答我心入面o既疑問! 唔通你地唔覺得既然佢又唔係鍾意LA,但係又阻左我,你地真係覺得唔奇怪! 我真係覺得好奇.......LA話佢女朋友要對佢有信心,雖然我依家未係,遲d就唔知.....但係今次之後,我都唔會再亂諗野gar啦!!