好多學校都係聽日返學....依家日日係屋企都好無聊! 係Firstclass又唔係成日都撞到自己熟o既人....都係靠係呢個diary吹下水,講下自己d野...前o個排就係咁同主席係度嘈! 有一排又同Patrick嘈....有一排又因為Henry o個單野,係咁俾人用粗口鬧....今日突然好似無咩好打.....其實,我有d野唔係好明...事先聲明,唔係無野做,特登搵"交"黎嗌...只係我上次話依家d同學鍾意聽人吹水多d,Patrick無啦啦又話化左,其實我都唔明,不過呢d野都係觀點與角度o者...噚日講o個d野,好似無咩人理我....唔緊啦!!

其實數數下,剩番o既班際比賽真係唔多....當然我寄望o既就係可以攞到辯論比賽o既冠軍...無論我有無得參加都好! 我都唔可以話我完全唔想參加....其實,我真係好受自己o既隊友影響! 我希望同我拍o既同學同我拍得埋、玩得埋...傾野上面都唔會有太多o既分歧! 我講o既唔係Patrick,我諗Patrick都會聽我地呢d debating team o既人,但係有d人我真係覺得依家同佢拍唔到,亦都唔想對住佢,但我又唔想咁自私叫人走....再加上,俾個機會其他同學會比我自己玩更加好!! 儘管我真係好想好想好想攞番我地舊年覺得應該得到o既野,我舊年令咁多人失望,自己都覺得好對唔住佢地! 所以我依家都有點兒把持不定....想玩同唔想玩之間! 我覺得3D有無我都無咩所謂! 有Sam同Jacky係度,一定頂得住! Sam都講左,就算我唔玩,如果Jacky係度,佢都會一定玩...咁我對Sam都根本唔重要,咁又有咩所謂呢....問題係Jacky係咪一定會玩...我又唔想令3D最有機會攞冠軍o既機會都要失去,如果,即係如果,3D真係一個唔覺意輸鬼左,咁我就要付上好大o既責任....但又好似有好多個理由叫我唔好去玩....我依家諗緊我要點決定好! 如果到投票o個時,我話唔玩....轉頭又想玩,咁我就搞到我o個班亂哂啦! 不如"搣"花瓣決定啦! kaka....講下o者! 但我又唔可以話我唔想玩,我真係好希望可以係所有人面前幫3D班捧起個冠軍,想話俾我舊年令佢地好失望o既同學知,我今年真係花過時間去改,我有進步到gar...而且咁多同學想我玩! 搞到我唔知可以點....但係時間真係唔多,但係我又唔知可以點決定...玩?唔玩?玩?唔玩?玩?唔玩? 唔玩又驚自己會後悔....但係又唔想自己咁辛苦! 交俾師姐決定好? 定係交俾全班同學決定好? 如果玩左,輸左又會好瘀....但係為左自己o個班而輸,係一種光榮,至少...都有盡過力呀! 都有幫過手! 依家同Sam咁好默契,有Sam,一定可以有好表現....但係時間咁趕,可能會無時間搵資料,咁咪又要麻煩d同學lor....又唔知3D o既同學肯唔肯幫手交論點出黎....有好多玩o既理由,又有更多唔玩o既理由!! 唉.....

吹完一大輪水啦! 真係好煩....我又唔知可以點....我真係唔想做一個令3D食白果o既人! 我自己話唔可以令3D食白果,但o個頭又令3D食白果....俾多d時間啦! 我唔會係呢度同大家講,我會唔會參加....知o既同學,只會係3D班o既同學,咁你地講出去,我都無野好講啦....

好啦! 吹完水,就係咁先啦! 3D o既同學,俾d反應啦!! 起碼我都可以知有幾多同學想我玩,又或者有幾多人想玩....