"再想清楚,發覺不對的太多"係我將依家其中一隻流行曲改詞之後,加入去o既歌詞! 我以下講o既野,你地一定會話"神又係我,鬼又係我"....粗俗d黎講,就係"pat pat痕"! 再將佢粗俗化,咁你就知我想講咩o架啦! 依家俾埋成首歌詞你地睇,你地會更明白我之前做過d咩,而係歌詞中亦有抒發到我個人o既感受,但至於改編左邊隻歌,3D o既同學到時就會知...

    如今 沒有一起 更令我想得多 平日見面只懂偷看你
再想清楚 發現不對的太多

*只有敵人才知道 知我這種虛假的謊話
她說憑良心 你跟他過電嗎 問我尚記得吧(嗎)

我卻早已想到 仍然未忍到 好友竟跟我成敵方
原為一個人 別再唱出友共情 全班都估到 他已被你喜歡

**從此以後已經 失去這好友 但是她為了我 才這樣的說
    為何我不清楚 如何可使我相信 你並不愛他只好友

***但我卻只知道 同學們也說 當你偷笑望向他 甜蜜但引誘
    為何你不開口 望著天空星星說出 你跟他只不過好友(你跟他只不好友)

愚蠢 一早清楚 也明白你心想 男共女又哪可當摯友
我未滿足 為何不高飛遠走
Repeat**/***with()
還是你從未說真話 喜歡上他 然而內心總有著疑惑但我卻擔心不過 仍千怕萬怕 只怕是我沒法放低嗎

如果以後能有 你這個好友 若是我犯了錯 仍能提醒我
為何我真不知 如何可使我相信 你並不愛他只好友

但我卻只知道 同學們也說 當你偷笑望向他 靈魂被接收
早覺得蠢 為何不一早解了釋 你跟他只不過好友

唔知點解,總係覺得今年o既聖誕假特別長,雖然覺得有d悶,但係就有一個機會俾平日好忙碌o我,一個好好休息同反省一下自己做過o既野.....大家睇左d歌詞之後,都知我想講咩.....雖然睇落去d詞就幾好,唱出黎就可能麻麻,有d其實唔係好o岩音,但係我今次想要番個意思....但係點都好過上次作無賴...Ivy Ngai係咁話我o既歌詞完全唔知想講咩.....即係狗屁不通lor...kaka...呢個假期入面,做過好多野,但係好多時,不經已地,都會勾起過往o既回憶.....發現自己討厭主席o既時候,只係識得諗佢做過邊d唔o岩o既野....但係就無諗過主席做過d咩....Shelia講得o岩,我無俾到彎大家轉,無俾任何o既餘地....但要明白,我當時的確係好火,再加上我覺得主席o既態度唔好,我先會做到咁盡! Ivy Ngai話我地兩個d性格都好相似,都係咁"硬頸",點都唔肯話自己做錯,硬鬥硬一定唔會有好結果,所以先搞到今日咁....我都知,我依家講咩都無用.....就係因為當日係呢段友誼,已經俾我地"界"左一條好深、好深,深到無法修補o既裂痕,就算補得番,都係唔完整....我依家只可以講,真係好後悔自己咁衝動,根本未睇清所有證據,就咬定係主席....但係責任並唔係全部係我身上,因為我睇到o既野,只係發生係3D班同3D班o既同學,其他班o既我一概都無聽過....再加上主席平日所做過o既事,又如何令我不相信呢....但我必須承認,我係有一定o既責任,當時我的確係武斷,呢個我係唔否認gar....如果我當時睇定d,聽多d人講,EQ高番d,忍多一陣,先決定一切,或者根本就唔會有呢件事出現....主席幫過o既,真係有好多...可能我當時根本就太火,覺得無野能夠比發洩自己o既憤怒更加重要....但係當你唔鍾意一個人,甚至討厭他,唔想再見到他,你會諗得更加清楚....Shelia講得好o岩,無野係比朋友更加重要...當你失去某d野o既時候,朋友就會發揮最大o既功效....就好似前幾日咁,我需要人俾一個肯定俾我,"熊仁"就走出黎,同我講.....舊年班際決賽,一輸o個下,主席就好似已經估到我會喊...我仲記得主席係一個人叫我唔好喊....到前o個排,我係咁俾人用粗口鬧、俾人用d無理o既態度黎對待,無左主席呢班朋友係後面支持我,我就知道自己已經失去左一d好重要o既野....但係好多時,後悔係已經太遲....我知我做咩都無用....你係"界"左落去,就係"界"左,你點黐、點貼,用咩方法都好,裂左就係裂左.....失去就係失去......無野可以補救! 但我真係好後悔自己咁衝動而無左主席呢班朋友......今次就當一個教訓! 教訓自己做野唔可以再咁衝動....後悔! 後悔! 之後都係後悔................................