噚晚又係喊到成個枕頭濕哂....又係好晚先"訓"到....點知發惡夢! 真係好恐怖....我竟然錯手打死左主席! 真係好恐怖....癡線呀!! 都唔知呢d日子幾時先會完......唉!!

我send左自己改o個首歌上firstclass...之後噚日去表姐度download俾佢聽....佢竟然話唱得唔錯!! 我表姐假假地都曾經係學校choir、鋼琴又八級.....究竟係我同組o既同學對我首歌有偏見,還是我表姐審美眼光有問題....咁就睇下各個同學點睇啦!! 不過,我自己覺得就唔係咁好啦! 你地唔好針對我歌喉啦! 俾下其他o既評語俾我啦!!

噚日同今日都要番學校開會....兩次都有drama club....但都見唔到主席!! 今次真係好正呀! 星期六o個場,我、Sam、Aaron都係台上辯論員,太好啦!! 師姐舊年咁辛苦train我地o既努力無白費到呀! 見到我地三個今日打低哂其他人,做學校辯論隊正選,師姐都老懷安慰啦!! 對我黎講,當然就意義重大啦! 起碼我打低左Sonza,Miss To同賴sir依然覺得我係比較好.....對我實力有懷疑o既同學,星期六4:00就黎BPS禮堂...我會盡我努力,證明我真係有咁o既實力!

Ivy Ngai去左北京玩.....實黎唔到! 但佢都起碼send左個message黎...話祝我地旗開得勝....承你貴言啦! 雖然我地打反方,但我地都有足夠o既信心去贏.....

噚晚去表姐屋企,係咁搞debate d野....搞到今日隻手勁痛!! 正惰痺gar....慘啦! 職業病.....今日係電腦前面做左幾個鐘電腦....更加痛!!

噚晚我個妹係我表姐部電腦睇佢自己個xanga....真係$%*$...佢係咁而,講下d無聊野,都有6個comments....仲要全部都係好心! 唔係係度亂講野,更加唔係講粗口......之後又睇o個隻咁o既"豬"o既xanga....真係r(&$$%^$....都唔知d人有無眼gar...o個d人人格咁有問題...連好朋友d錢都呃o既人....發燒發到101度....有成10幾個留comments俾佢...你話全部咒佢死就話o者.....全部都真係對佢勁好.....留d野咁善意、咁好人.......有無搞錯呀! 家陣我好似連"豬"都不如.......唉! 有苦自己知呀!! 依家仲有邊個可以同我分擔呀.....獨力支持o既滋味都係第一次試....原來係咁辛苦gar!!!

黑暗中  迷路都不自覺  你要躲進避風的一角  再有風雨亦可給妳擋
誰會做你隊友  每樣統統承受  閉著眼  來一起向前遊
容我做你隊友  創造一點成就  閉著眼  來一起向前遊  同行過就夠
你要擺脫是非的束搏  再記起那自信的配方
哪個已看通了  所有得失不追究  每次遇上掙扎時候  為你分憂
同行過就夠
<<隊友 關智斌>>

辛苦還辛苦.....路依然要繼續行! 有隊友o既時候,當然舒服啦! 咩都唔需要煩....因為都有佢地幫我擋哂....失去o既時候,所有野都要自己做.....無人再為我分憂.....呢個將會係我一生人最大的遺憾!!!!

以下呢一隻係送俾Henry:
舊日是個膽小的細路  錯過機會沒法修補
若是昨日放膽拖她過路  情人早已在抱
後悔當時純情嗎  沒有膽去示愛嗎
後悔一時糊塗(猶豫)嗎  下秒鐘已錯過她
昨日沒法放得下  仍然守候嗎
漫步在這紛擾的愛路  錯過機會  別個追到
像尚未綻放的花早變謝  從來手也未碰
現在尚會愛她嗎  旁人感動嘛
<<過馬路要小心 關智斌>>

依家愈黎愈喜歡Kenny o既歌.....覺得d歌詞幾好!! 不過Kenny把聲就麻麻地.....

好啦! 繼續忙我要忙o既事啦!! 繼續無mood的一天啦!!