噚日對劉永生....個場都唔知幾"墟陷"....真係"多人"到....好多謝各位同學對我地精神上o既支持.....有d同學,我真係唔想講邊個....呢個真係唔可以講無交情,咩都同我一組,一個原因都唔講....一問,就話"唔去"....好野! 有性格....我欣賞你!! 真係有原因而黎唔到o既同學,我絕對唔怪你....我都明o既....又要著校服(最死係見到d人唔著校服入到黎,Sam"陰"我),又要去到天后.....星期六又唔係個個都得閒....唔緊要啦! 你地對我地精神上o既支持都幾大,所以我地o既表現都ok! Miss To話我今次速度控制得極好,話今次仲好過上次聯中....我都覺得呢方面係我加入左Debating team之後,改善得最多o既地方.....其實,我次次都咁急,係因為我實在唔夠冷靜、太火,急住駁對方,搞到自己亂哂.....係我今次同場對小六撬我牆腳o既xx之下,都能夠係結辯o既時候,保持平均o既速度,都算係咁.....不過,我都係覺得主辯係比較好,終於覺得d速度係由我控制,唔係速度控制我,都係多得之前d同學o既粗口攻勢....但係係即時反應方面,我都係覺得太慢....可以再快d....估唔到o個個xx接我招o既時候,都接得幾好.....Sam依然係發揮理想,但講d野無人笑,好慘.....Aaron極度緊張,差d超時,番到黎講粗口....kaka.....其實我係結辯都差d超時,因為Miss To教我o個招俾法寶用左好多時間....但o個招勁好feel....但d評判勁buy o個個xx.....呢個xx做二副比起Sam仲差好遠.....對面其餘兩個個樣無表情,好似個機械人係度講野,好悶....其實不妨從好o個方面諗,d位"吉"哂,表示同學對我地o既實力無懷疑,有絕對o既信心...實在非常多謝你地!! 你地以後睇到o既比賽,肯定會係一場精彩o既比賽.....就算我地比賽經驗好好,都需要其他同學o既支持,我地唔係一個機械人,完全唔需要其他人o既支持.....個評判竟然話我地兩隊實力非常接近....SAm即刻話完全侮辱哂我地IMSC....儘管劉永生o既表現的確不俗,但我地IMSC講到尾都係連續兩屆基本法季軍,點可以咁講.....我地不嬲都係比賽前同人地、評判、主席同計時員握手,況且係Miss To叫o既,咁就無可能唔做...o個條xx呢個時候先見到我....車!! 見到我仲好驚訝.....你咁o既樣,晨早見到你啦! 大驚小怪...真係把鬼火! Miss To之後都同我地講,話佢地一d都唔識禮儀,對方埋到黎,竟然係度O哂咀...Miss To講得勁搞笑...."熊仁"同楊媽咪係比賽即刻打電話黎,我有少少想喊,以前成日有就唔識珍惜,依家就太少有,所以有少少眼泛淚光....唔係講笑! 今日Ivy Ngai都有打黎....多謝哂你地....至於賽果,咁就梗係知左啦! 關心我o既同學就會問我,唔問就唔會講,費事大事宣傳....下一場想黎o既,就會自動問我幾時打...有心黎,就會問.....無心o既,叫幾多次,都唔會....咁就費事哂口水啦!!

聽講Luis做左全級第一,我諗禮貌上都要恭喜下佢o既....做一個全級第一,我未試過,但係我諗唔係只係成績上有成就o既,要係各方面....

聽Ivy Ngai頭先講,主席又係佢個xanga唔知講左d咩,總之對我黎講,就唔係好野啦! 我叫Ivy Ngai唔好講.....唔想再咁唔開心...本來呢幾日同Sam成日傾debate,個人都開朗番唔少.....就算Ivy Ngai無講主席講左d咩,但係Ivy Ngai一咁講,即係又變番沉默....頭先真係食唔到飯....真係唔係講笑! 想食又食唔落...想講野,o個咀又好似唔想我講....唉....噚晚又發左個惡夢,發夢見到同主席去camp(我都唔知o個個係咩camp,癡線gar...),我俾蛇咬到隻手都流哂血(個camp有蛇,都好嚇人),但係條蛇都唔肯放手....我諗o個度係一個荒山野嶺,主席去左40分鐘之後,帶左一個人黎,幫手拉開條蛇.....o個個人就係Sam!! xxxx.....我覺得有無可能俾條蛇咬住40分鐘都唔死得.....勁天方夜譚....有無可能呀! 跟住唔知點...就醒左啦!! 我起身o個時,都覺得隻手有幾個印....terrible....我總係覺得心理壓力好大,成日都覺得唔舒服,又覺得好辛苦.....點解會咁gar.....好多野煩!!

今日8:30去左美孚打basketball....對玫瑰崗...成班都係"男人".....我地贏42-10....我入左4分,Becky入好多分,做左好多助攻....其實我都好耐無試過係真正比賽入波....之前我入一球,都會好開心......依家唔會.....入左o既時候,感覺只係..."入左呀! 哦! 咁番去防守啦...."可能個人根本就唔開心.....所以無野刺激到我!

之後同Sam、Jackie去左大快活.....係咁講無聊野! 癡線.....話隻恐龍俾隻蟻撞死!! 之後SAm又話我唔睇鋼練係異類....之後又講我地上P.E. o個時,d女仔踢波勁搞野....一起腳就縮開!! 好搞笑....不過上次P.E堂踢波,我覺得熊仁係個好龍門(雖然對手無射過波...kaka...),Luis係個好後衛...Luis踢波幾好,我覺得....人地一黎,就俾佢大腳清....所以"熊仁"唔使接波....kaka....Ivy Ngai可以幫手製造混亂.....kaka.....我係度亂咁踢!! kaka....我記得上次有成四個龍門.....kaka.....Sylvia o個d走哂過去"熊仁"度....跟住係度吹水....kaka....其實同女仔踢波,好好玩gar....同佢地兩個食野,好搞笑....之後去廁所玩廁紙,勁好feel....唔係真係扯佢d廁紙黎玩...而係你對住個燈揮一揮手,d廁紙會自己跌落黎...好正! 之後同Jackie去太安樓買碟.....kaka....係買空白碟!!

呢幾日好忙,好累......唉......

P.S.上次篇diary都未睇有幾多人留言....一係就無人留....一留多數就好大反應!! 唉....又要接受EQ o既地獄式訓練.....