之前Miss Chu叫我地睇"珍珠港",我噚晚真係白癡到走去睇....Miss Chu話個愛情故事好白癡,但我感覺良多....雷夫同丹尼本來係好朋友....雷夫係一件事上邂逅左一個女仔(唔記得佢叫咩名!)....之後就同佢拍拖啦!! 有一次打杖,雷夫丟低左個女仔同埋個好朋友去打杖,打左好耐都無返黎....佢地以為佢死左,而且彼此都因為無左個BF同好友而感到空虛...點知空空下就搞埋一齊....點知有一日雷夫返左黎,個女仔竟然發現有左丹尼o既BB,但又仍然愛雷夫,唔知應該點揀....兩個情同兄弟o既好朋友,都因為愛上左同一個女人,而反見成仇.....雷夫雖然仲好愛呢個女仔,但因為唔想同個兄弟搞到咁,就好偉大咁讓左俾丹尼.....雖然最後丹尼因為打杖而死左,雷夫可以同個女仔一齊,但雷夫的偉大令我覺得有咩原因仲係令我做唔到、過唔到自己o個關,俾個機會佢地兩個一齊呢?? 能夠為呢個世界犧牲一點,又使咩去介意.....但我只不過想得番一個清白,得番我應該得o既野,呢d要求亦不算過份.....不過我知道,做朋友要互相體諒明白,可能佢當時只不過係一時衝動先會咁做,其實佢都唔想....但到佢覺得自己唔o岩o既時候,已經可能要付上好大o既責任.....可能事實真係咁.....但我依家所知道o既野就唔係咁lor....事實只有佢自己先知.....做朋友要明白對方,做好友更加需要經歷一d都幾大o既風浪先會真正地明白大家,我真係明! 所以無論點,我都唔會怪你......但如果你點都要咁硬頸,我都無你"符".....但我見到你咁辛苦,我真係唔舒服.....雷夫都可以做到啦!! 但我好似點都唔可以過到呢一關,真係唔知點去扮到咩事都無.....無錯! 講得o岩....我對你的確係又愛又恨,我當然唔係指愛情上啦!! 自己依家好多方面都會不自覺地幫你,就算幫唔到你都好啦!! 但又想到你唔肯講真相,真係"愛恨交纏"(好好feel呀! 呢個詞語...)只係想你咁o者,都咁難??

有d同學會問我依家有咩target呀?? 諗住有咩行動?? 最離譜係Anita今日話我聽日有約,癡線,我呢d一睇就知無啦!! 其實,我唔能夠否定同某d男仔o既可能性,對一d之前鍾意過o既男仔,都仲有叫"情"o既物體存在.....不過,我懇請各位做一做呢個見證人,我係絕對唔會再鍾意一d存在係呢個世界上,係度阻著哂.....搞到呢個世界永無寧日,簡直搞到呢個世界黑白癲倒o既人,否則五年之內,我一定會死於非命......我諗呢個誓言係最毒o既....我都未試過! 為左表示我對呢類人o既痛恨,有幾毒講幾毒.....呢d人真係朋友都唔值得做....永遠都唔會原諒呢d人.....永遠都唔會!! 成世都會憎死佢.....呢d人唔出現,個世界一定會更加平靜...好似陶淵明所講o既世外桃源.....呢d人一入左黎,真係污染哂.....搞到同世俗無分別! 打擾別人休閒o既生活....哼......上堂係咁係度嘈住哂,真係想一巴"星"死佢...真係極度痛恨....明白陶淵明點解咁討厭世俗o既生活......各位請唔好話我d語氣重左,對住呢d人真係好難....呢d人搞到我甚麼也沒有!! 真係把鬼火! 不過講番正題先....我覺得我呢term要做o既野唔係呢d,我係友情、學業同辯論上,都需要有一番作為.....更加唔想再因為呢d無聊事搞到無d安靜日子過.....係友情方面,無論邊個o岩邊個錯都好,我都會係咁對佢.....我知道,最好o既朋友會經歷過一d事情之後,先會真正得到,彼此亦會更加珍惜對方.....係學業方面,希望有驚人o既表現,所以只會係weekends同假日打diary....係辯論方面,都係咁啦!! 打咁多就贏咁多.....

頭先搭8X去到北角....見到"健威坊"呢三字....勁想衝出去將中間o個隻字一野打落黎.....有呢個未係個名度o既人都唔係好人....不過有d都幾好o既....係有d.....雖然隔住個玻璃,但係d"火"都好勁.....講起呢d人,唔會無火gar.....

今日同SAm、Jackie去pAT pat屋企.....係咁同Sam、Jackie亂講野...癡線!! 之後去左太古搵Ivy Nagi同Joby,見到一d唔想見到o既人....乞人憎!! 仲要望住哂.....真係火到黎埋! 勁想打個電話俾佢,叫佢咪bear住哂.....如果唔係,就整鑊甘野佢嘆......本來已經夠火,IVy Nagi本來又應承左我去Library,臨時又話唔去,搞到我帶哂野.....勁火呀!! 見到幾次,唔想見到o既野....火上加火!! 不過人地都就黎有野睇啦! 都唔恨得咁多.....鬼叫人地好命,有人鍾意wo.....

長城勁快就俾人攻陷左.....真係太快!! 仲要不斷俾人攻陷.....危啦!! 隨時連最重要o既野都俾人攻陷呀!! 搞d甘野出黎就大鑊啦!!