今日估唔到竟然輸左,
係輸俾佢!!
話哂我都係班際叫做都有D料到,
今日竟然輸俾佢!!
好無面!!!
咁都唔緊要!!
賴sir仲要暗示將要拆散我同SAM..
賴sir係咁講o既.....
"我地出黎打比賽,勝負好緊要,
我地唔想因為一D感情問題,而影響比賽o既結果.."
呢個時候我仲係GET唔到佢想講咩...
"有d同學夾左好耐,
但明年都有可能會拆散!!"..
我o個下真係唔係好忍得住,
"咁即係講緊我地啦!!",
賴sir擺到明聽到我講,
"我無針對任何人!!"...
我o個下好O咀,
雖然今場我地睇落去好似無咩默契,
事關咩都無得攞,
個個都係咁俾意見,
聽得邊個???
根本我地兩個都好緊張,
SAM今場o既反應亦明顯比平時有得攞卡唔同好多,
我就更加唔使講,
我對呢條辯題o既熟悉程度又有限,
話哂我都唔係踢波,
就算睇波都唔睇施丹啦!!
但我o個下真係想問下賴sir,
有邊對拍檔比我地更有默契??
係能夠係16場比賽入面有14場係一隊....
我地極熟悉彼此大家o既風格,
根本就除左我地自己本身,
就係對方最熟悉自己!!!
我地根本到達一個互相係場上都需要大家o既地步,
尤其係我啦!!
我自認反駁反應慢,
次次都係SAM提我重點位...
出場咩時候要做我講野,
咩時候唔好講野,
佢都好明白!!
我對SAM o既作用可能少D,
但每次比賽SAM要求有關辯題o既資料,
我都能夠準確提供!!
我地兩個都試過一次唔同一隊,
我地兩個同其他人真係唔係好夾到!!
我真係無話威脅兩位老師一定要俾我地一齊出,
但係如果真係想贏,
出年真係想攞獎!!
又要拆散我地兩個o既話,
輕微o既結果就係極有可能同時有兩隊會出現默契唔夠o既情況,
因為兩隊都無可能會有一對拍檔拍左超過14場,
我深信DAWN同ANNIE都唔會有14場咁多,
我o個D慌失失情況將會不斷出現.......
我o既發揮一D會比大家所睇到o既水準減30%,
即係必定會係水準以下,
F.6 o個D亦都未必會係場上耐心聽SAM講野,
SAM o既作用必定大減!!!
最嚴重o既情況....至少我o個隊好快會出局,
我一定會再一次做輸波罪人,
我真係可以好肯定!!
無SAM,我真係死得!!!
邊有咁多次BD可以做呀!!
打散o既感覺真係好辛苦!!
SAM o個度強D可能未必會.....
但係SAM同3個F.6夾,
始終唔係咁friend,
仲要係女仔,
等間俾同學見到,
又俾人話佢MIX女....(SAM:最慘o個D唔係和美!!)
獨立存在o既結果係咁...
我相信我地一齊一定能夠每一場都能夠交出好而且穩定o既表現....
我地無論場內、場外同為好友,
就算有無debate o既時間都咁friend,
而且一男一女,想法比較全面,
再講,兩位老師一直都咁睇得起我地,
而且咁拍亦覺得好好......
我真係諗唔明點解兩位老師要咁做??
如果真係想贏,
應該係兩個都一齊出,
而唔係要打散...
MISS TO同賴sir會係開學之後會見一見新同舊o既隊員,
我一定會到時同佢地傾傾,
我深信兩個一齊出先至能夠令我地兩個都同時發揮得最大o既作用,
亦能夠提高學校o既出線機會!!
SAM,你有機會都要同佢地講下呀!!
可能你一直都唔察覺我地彼此已經發揮左咁大o既作用!!! 哈哈.....
你都想我地有得拍GAR!!
只得我講,無你講,說服力低呀!!!

P.S.今日返到屋企好DOWN...輸左好少事!!
問題係無我同SAM拍係一個最大o既問題!!
我地打左15場,得一場唔一齊!!
我地勝出o既機會率更超過7成....
無左SAM o既好多場比賽,
我覺得我會好廢!!!!!!!!!!!!!!