好開心呀...終於返到黎香港啦! 今次去Macau都幾好玩呀,take左好多photo,去左好多地方! 噚日去左大三巴啦,金蓮花廣場啦,去左玫瑰堂個聖物寶庫啦,見到望海觀音啦,食左好正o既葡國餐.....最恐怖就係去左澳門觀光塔,第58層個地下係玻璃,可以睇到最底個地下,超驚,完全唔敢行埋去lor....61層有人玩skyiump,即係有個人由61層跳落去,類似笨豬跳lor,呢個係全世界最高o既skyjump,成233m,睇見都驚啦!佢仲話要$480,先可以跳一次wo,真係睬佢都有味.....今日朝早就去左依家Macau最大o既賭場--希臘神話,我未夠18歲,所以只可以係賭場外面,o個度有好多好靚o既希臘神話公仔,但係唔知點解post唔到d相上黎! 不過,我影得好樣衰.....噚晚"訓"o個間hotel 真係運吉gar....入面得個"BB游泳池"同健身室之外,就咩都無得玩....更加唔好話有computer啦! 間酒店d早餐buffet真係"好食"到想吐! 不過,酒店附近有間supermarket 賣d 野好平,平過香港o個d好多,一大筒o既oreo只係$2,七喜兩公升都只係$6.9,真係癡線,所以就買左好多野! 差d想掃貨.....今次澳門之行真係好好玩呀! 不過返黎搭船o個時,有個o靚仔問佢阿媽,我係男定係女,真係 佢,至憎話我似男仔!極度無奈! 至於我帶俾大家o既手信....大家唔使擔心,今次老爸出手闊綽,今次買左好多野食,所以今次應該個個都有得食啦! 不過,我會2/9 先俾大家,因為我聽日要orchestra,所以唔係咁方便俾大家啦! 

P.S.聽日就要返學,告別漫長o既暑假,今年暑假好似過得特別快,好似只係過左兩個禮拜,可能舊年太過辛苦,休息得唔係好夠,我依家強烈要求教育署應放暑假3個月!講下o者!