之前個頭像都用左兩年啦....
昨日收番之前d相,
話過一定會用來做Icon,
我諗佢地應該唔會介意o既...
所以就換左啦....
最多佢地話唔好,我就換番啦!!!
不過仲差Hilary同埋Eunis...
遲d總有機會!!!
至於其他呢,
會save係相簿....

今個星期好爆...
日日都勁多測驗,
一個星期,四個大野,
都係第一次....
日日都成隻死狗咁....
仲要今個星期無一日唔使補習,勁HIGH!!
最慘o既係,
今個星期竟然破左相...
星期一返到學校,
九千幾人問我係咪俾人打...
個咀又青又瘀...
我係咁同人講,"係呀!! 俾老豆打..."
你地好蠢呀...竟然信左...笑左好耐!!
我發現我應該係"訓"覺o個時,
撞左落床o既邊邊位,
搞到損哂....但我竟然唔知,都幾變態!!!
一直到到今日,
都仲未可以張大個咀講野....
好痛苦...唔似我Style!!
不過好多謝好多同學問候左我,
尤其係我o既同班同學....

今日無咩特別...
都係補習呀,返學咁....
但係今朝Hilary俾左封野我...
應該係佢寫...D字都似佢!!
接o個下,都有d呆左.....
因為我已經好耐無返學見到佢,同佢吹水...
平日又唔係話成日一齊玩,
但係唔知做咩,俾左封野我...
我到呢一刻,仲未有勇氣打開...
因為我驚入面係炸彈...(講下笑!! 爛GAG!! 係炸彈就唔係平啦....)
唔知係卡,定係字條,定係信....無研究!!
因為連封面都唔敢睇...
可能係百佳50蚊COUPON...(哈哈!! 唔好笑...)
其實係因為真係驚....唔知點解,好驚,好驚佢鬧我!!!
我已經叫定SAM YIP今晚點都要隨時接我電話....
費事死左都無人知....
我決定依家就要打開佢!!!

好...開新一段...
其實可能入面係一d好小兒科o既野...
可能真係佢呀媽用唔哂百佳d coupon,
所以俾張我...
點解咁都要有封面??
唔知...可能唔想俾人知係百佳!!!
("你個開場白都真係幾長!!" 好熟...係Elaine講gar....)
好...我真係要開!! 希望唔好死...唔好爆炸...(臨死都要搞個爛gag..)
好...我開啦!! 真係好驚...好震...如果真係百佳,就真係笑死你地!!
我依家搵緊....搵到!!
點解要有裝飾?? 唔知!!!
點解要有膠紙?? 唔知!!
點解畫左咁多野,個信封竟然係白色?? 唔知!!
大鍋飯...撕爛左....個膠紙....(廢話啦!! 唔撕爛,點睇??)
我見到一張紙....咁點....
未睇內容....點解d字咁大o既...應該唔係信!!
好...繼續....衰人,唔係呀!!
d大字唔係係封野上面...
張野跌左出黎啦....未打開....點解好似...o個d野....
我feel到係信....好啦...真係要打開...
會係咩呢...Hilary,我有咩得罪左你都好...你真係唔好鬧我呀..
我真係會喊....(成日都喊啦...有咩特別?? 對唔住,俾你識穿左...)
好似好colorful.....使唔使咁大隻字?? 好特別o既Style....

睇完啦....無野...唔係鬧我!!
我唔會講Hilary寫左咩俾我...哈哈!!
無野....係好野!!
Thank you,Hilary!!
其實我都一臉倦容.....
但對住你地,無論幾辛苦、幾眼"訓",
我都一定會勁開心....
呢種開心,並唔係扮出黎,而係真心gar...
見到你地就自然會有,我都唔知點解...
可能希望你地係見到我o個小小o既時間,
都可以藉著同我呢個小朋友玩,
而暫時放低你地呢班大人o既煩惱...
或者我對你地所有的,唔應該成日都係絕望....
係應該點都要有些少o既希望!
希望我對你地o既希望唔係一瞬即逝啦......

P.S. 我o既反應真係好白癡,成日都將d衰野無限咁放大....
       但係就係控制唔到....我成日都係咁!!