噚日我真係做左一件我咁大個人都未做過o既事,真係未試過,真係唔知點解我會做lor....大家唔使問,又係關師姐事gar....噚日第一日補5:45-7:15,諗住咁晏,唔想自己一個人行,咁咪叫師姐陪我一齊lor,佢\叫我係下面等佢\! 我7:04落左去,等左差唔多45分鐘....我o個班個阿sir、點名個阿姐都落埋黎,我都無走! 條街好熱! 成身都係汗! 到到7:46分到啦! 覺得唔係好對路,於是就打電話去師姐屋企,點知佢\竟然係屋企...我趕住走,所以就無同佢\繼續講! 跟住,我上到車,o個下真係好嬲,真係! 嬲o既,唔係o個45分鐘,而係佢\點解會覺得我會放佢\飛機! 邊個認為我會放佢\飛機都好,但係o個個點都唔可以係師姐! 我真係唔明佢\點解會覺得我係d咁o既人! 係我記憶中,我從來都無放過我o既朋友或者同學任何一隻飛機! 一次都無! 又何況o個個係師姐! 自己一路諗,一路喊! 喊得好\"勢利\",同上次輸左班際debate有得揮! 突然,個電話響,來電顯示係師姐屋企,o個一下真係有d想cut佢\線o既衝動,但我都係無做到,都係聽左佢\個電話,因為我知道我唔可以發佢\脾氣,我有今日都係因為佢\! 佢\話佢\7點前已經落左黎,佢\見唔到我,以為我會走左,所以佢\就走啦! 仲有一句唔好意思lor....我無同佢\講我等佢\等到成身濕哂,更加無同佢\講我喊,因為我唔想佢\對我有歉意,對唔住我! 就算我同佢\講都無用,佢\唔會識點去安慰我,所以我都覺得無咩必要同佢\講! 我諗今次都只係一個誤會黎o既....不過,如果呢個唔係師姐,一定會同佢\反面! 我最憎人遲到、放人飛機.....雖然師姐樣樣做齊咁滯,但係我無論都唔會嬲佢\,甚至無資格去嬲佢\,因為係師姐令我有今日,有入debating team o既一日,無師姐,我唔會鍾意debate,唔會投入debate,唔會入debating team,唔會成為一個咁好o既debater,甚至唔會同debate有任何關係.....我點講,都唔可以講到師姐點樣對我好,點樣幫我! 我都未報答佢\,更加唔好話要嬲佢\啦! 要報答師姐,就要做一個令佢\感到自豪、感到驕傲o既debater! 為左師姐,我要踢走所有同我個位重置o既debater,要幫學校攞冠軍,咁我個正選位,先會永遠都咁穩,咁師姐F.6返黎o個時,我就可以有機會同佢\一齊代表學校比啦! 呢個亦都係我入debating team o既原因之一! 係師姐令我有左目標,就係要好似師姐咁勁,唔單止要有佢\debate 咁好o既成績,仲要做一個品學兼優,課外課動超勁o既全能學生,雖然我依家仲未係,但係呢個就係我o既目標! 我要做到o既野! Sam話,李彤同師姐都係我地trainer,都係我地師姐,都只係一樣...李彤當然係一個好好o既trainer,但係比起師姐,師姐當然好好多,無人可以比師姐更加好! 所以,我只有一個師姐,其餘o既只係學姐! 呢個係我心入面o既諗法,唔會改變! 師姐係唯一一個人,就算佢\做錯咩事,我都唔會怪佢\,只會原諒佢\! 雖然呢件事,真係好白癡,但係可以證明我係一個永遠唔會放師姐飛機o既師妹!

今日係無人競爭之下,成功\再次當選女班長,好興奮呀! 今次係第一次係校長手中接班長章! 好期待呢! 又再次同Sam做拍檔,果然係好拍檔呀!