關心我的同學,不用擔心我! 我很好,沒有事! 很神奇地,我一滴眼淚也沒有流過! 可能我真的長大了,不再容易掉眼淚! 老實,我覺得我地班真係唔係輸好多野,但係輸左最重要o既一樣野,就係班入面無咩同學有歸屬感! 就連Sam同Fiona都無,一個就係班長,一個就係班會主席....你地對自己班無歸屬感,抱住一個贏唔贏都無所謂的心態,咁其他人都好似你地咁....咁我盡左幾多努力都係無用,因為每次d人都係抱住一個玩下玩下的心態黎排練,無人認真.....最離譜就係Sam同Jacky....叫你地排.唔使排o個時,就係度唱"Miffy"....係好笑...係好玩! 我都知....我都覺得好搞野,所以我都成為左"Miffy廢話共和國"o既子民....你幾時玩,我都無問題,但係你地係排練呢d咁認真o既時候玩,我就真係唔能夠容忍....你地呢邊就唱"Miffy"...o個邊d賊就係度傾計...Ken又咁大聲......唔知邊個又係度玩個筒! 我邊夠你地咁大聲呀! 我知Sam真係好搞笑,成日都引人發笑,令大家好鬼開心,但係身為男班長,唔單止唔應該帶頭係呢d咁o既場合講埋d搞笑野,仲應該帶領同學合作,幫下台上指揮....你自己又玩埋一份,咁你叫我點樣叫d人認真咁排練....根本就無可能! 連班長都玩埋一份,個個都覺得既然班長玩,就一齊玩! 叫你地正經d,轉頭又再唱過....我係唔夠Sam、Jacky同Ken串,咁你地仲要句句窒住哂....咁我點排呀! 今日把聲拆哂都唔夠你地大聲! 無論係邊個都好,都應該表現出你地係對呢班有歸屬感.....只要你係3D班o既人,都係流住3D班o既血.....我一向都對自己班極有歸屬感! 但係你地唔肯合作,我真係做咩都無用.....你地明唔明呀! 除非你地真係想個個比賽都係咁o既樣,出到去都係死下死下咁,次次都差唔多排尾,咁你地可以繼續咁....但係我對3d永遠都唔會放棄,我決心要為3D爭番一口氣! 你地唔係冷血o既,就唔該你地合作啦! 我都唔想迫到你地咁.....但係我地真係差呢一樣野....你地唔覺得,點解我地用左成個月時間去prepare都贏唔到隔離班,係一件好神奇o既事咩! 但係原因正正就係呢個! 如果我地真係有心要令3D班有機會有好成績,就唔可以再好似依家咁! 我都係為左你地好,真係唔想睇住3D衰....我盡左咁多努力,但依家咩都無不特止,仲要得尾二排! 點解? 同樣原因.....但我真係無咩遺憾,因為我真係盡左努力......

後尾debate meeting就開心番lu.....Miss To俾3 min俾我地prepare...之後輪流用1 min介紹自己.....我都係跟Sam多,講埋d無厘頭o既野...講哂"Miffy廢話共和國"d野,簡稱叫"Mif肺國"...好搞野...之後想講好多野,但係都唔記得哂......蕭世友超好笑...話自己handsome......曾嘉宜都好好笑! 師姐講o個時,面都紅哂...可以用面紅耳赤黎形容....好搞野! 佢真係自我介紹so好boring......

Then同師姐去補習,上車狂問佢d心理測驗....跟住佢超多同我一樣lor.....佢話我地真係o岩key....無奈!!!!又早去,又好低能咁行商場!!!!

我一向都習慣直言,如有不對,講多多見諒!!!