雖然我依家都唔係咁鍾意MISS HO,
但係我覺得佢今日講D野其實都OK有MEANING,
我係指部分....
最記得佢講左一句,
"如果依家面前擺左半杯水,
你會覺得"竟然仲有半杯水!",
還是"好在仲有半杯水"...
即係你地睇呢幾個月,
面對同學o既態度係點...
點樣去珍惜你地o既同學..."
我腦裡面諗左好多o既人、好多o既朋友...
有d感觸.....

同緊呀Dawn講緊電話...
因為有D唔係好開心o既野發生...
估唔到佢會咁對我......

無論有幾忙,
今日呢篇DIARY係一定要打...
因為等左兩個禮拜...

今日提前慶祝Elaine生日..
第二個小息剷左上去,
Elaine打開門o個一下,
好似已經呆左,
(其實我睇唔到,度門阻住左..哈哈!又係廢吹..)
我地差唔多十個係度唱生日歌...
完左o個下,Elaine d 眼淚已經飛緊出黎...
Hilary送埋禮物之後,
Elaine就更加忍唔住....兩個字"決堤"...
拆禮物o個下,
呢下先最勁...
Elaine一邊喊一邊勁大聲講左句,"好多謝你地呀!"
依家講就無咩FEEL,
但o個下聽到,其實都有D想喊....
可能我對眼細,
可盛載的眼淚體積太小,
竟然被CELINE發現左...覺得自己好失敗!!
都未玩完,竟然打鐘!!
走o個下,其實想衝上去攬住Elaine整個birthday kiss俾佢,
(得啦! 收聲啦! 又蝕哂呀ma...)
咁話哂都係我偶像生日,
無理由無表示gar...不過我最尾無咁o既膽量做!!! 哈哈....

其實個PROCESS唔係我想講o既pt.,
我想講o既係o個份禮物..
份禮物係Hilary用左個半月親手整..
每一個設計,都係圍繞住18呢兩個數目字,
勁有心思....
我深信所有o既用料,佢都係仔細咁度過...
我想講,Hilary係一個勁多野做o既人,
但係佢可以為左自己o既好朋友無底線地付出自己寶貴o既時間,
係無底線....
只有佢能力能夠做到,就會去做....
呢種朋友可以係邊度搵.....
如果我真係有一個咁o既朋友,
會考0分都無所謂...
反正有呢個朋友支持,
我深信一REPEAT就可以30分....
不過,最好呢個人就唔係Hilary,
佢已經要為好多個好朋友咁付出啦!
覺得佢真係有D辛苦....
我之前聽Hilary講個過程,
我唔相信企係我面前o既,
係一個人,係一個我識o既人,
我真係唔信一個人可以咁為朋友付出,
但Hilary真係可以.....
再一次"Nothing is impossible is proved."
全世界都應該向Hilary好好學習!!
唔係Hilary個FRIEND,都要知道佢係邊個,
要知道我地學校原來都有一個咁好咁好o既人.....

To Hilary:
其實我好想多謝你!!
無論原因係咩,
多謝你俾我寫o個張卡...
多謝你俾一個機會我,係Elaine o既生日禮物出現...
多謝你俾一個機會我,係Elaine慶祝生日o既時候可以出現....
多謝你願意俾一個機會我,可以為Elaine一個咁特別o既生日出一份力....
多謝你呀!!

To Elaine:
其實我好想笑你呀!!
咁易喊o既.....哈哈!!
相比起Hilary,我o既付出真係好少好少..
相比起Annie,我所寫o既o個張卡好唔得,仲好行tim....
但其實我真係盡左好多好多努力寫好張卡,
希望你透過張卡能夠感受到...
更加希望你以後諗起呢個咁特別o既生日,
會記得我呢個小朋友有出現過....
仲要記住我今日咁正o既look,執過gar.....
記住我寫俾你o既野....

P.S. 唔知點解,突然好想喊....
       要忍住...因為要出門口補習啦!!

中五果然係多野做左好多...
可能自己個目標較高,
人又唔係醒,
所以要做o既野都比人多好多..
依家開始習慣1點半SLEEP,
雖然第二日仍然都好似成隻死狗咁,
但至少都叫做捱到....
唔知咁o既生活模式可唔可以捱到最後呢??

DIARY o既人流比起之前少左好多...
可能少左八卦野睇....
之前做D野太過幼稚,
但呢D應該都係必經o既階段啦!!

師姐佢地唔再係F.6,而係F.7,
突然要改口,真係唔憤!!
我都唔慣同人講,
我係F.5...
唔MATCH...(其實都係我KEEP得好姐...)
無再上去搵佢地lu...
時間唔容許我咁做!!!唉....
少左好多見面o既時間..
噚日打俾CELINE,佢沖緊涼..
跟住打俾師姐,DEAD AIR...
再打俾DAWN,溫緊書...
得返學o個2-3個字,
先有機會見到.....
講得唔夠30句,又要BYEBYE....

呢幾日開始習慣晚一D先"訓"..
想令自己o既working hour可以長一D..
今日下午同SAM,司徒仔去補習,
SAM話古巨基o個首"蠻不講理"
如果唔係講愛情,係講Friendship,勁o岩我....
於是我頭先就特登去coolman睇下,
好似又真係wo...
不是單單講依家,
係講哂成個中學到依家為止,
好朋友一詞帶給我的感覺...
粗體紅色o既講左最緊要o既重點...

問有誰可計較清楚
在這人間有幾可公道過
但求不虧心不必志在結果
沒有人可力挽當初
沒有人可永遠都不犯錯
如何花光心計策劃太多
這是愛　誰望天肯將眼開
情人若肯不用請都會自來
門若上鎖別去開

*誰辜負你　不服氣
如果他傷你　你吞聲忍氣
想徹查情人的心理
謀略亦難以令對方歡喜
講道理　誰講道理
會可免分離　你哪須交戲
不與旁人殘忍競技
對方選擇你　不管何事都選你*

沒有誰可勉強得到
沒有誰因算式得出情愫
沒人相戀倚靠上學惡補
這是愛　人是你的定會來
流盡淚怎樣去改變未來
難道回望令你可愛
Repeat*

愛比人生還玄　任你怎計算
再不愛的心怎說服也只會更加倦
互愛發於自願　是人間美眷
不費力氣亦得嘗未了願
Repeat*
他感動你　不包含甚麼天理

呢三個星期鬱左好多野,
一直都無出聲,
真係好辛苦!!
同左SAM,DAWN,ELAINE講哂之後,
好左好多啦!!
又好似明白得多左....
或者睇朋友睇得太重要啦!!
係"太"呀ma..我知啦!!
但朋友好難唔係好重要...
一諗到出年可以見到你地o既機會少到無得再少o既時候,
好難唔激動....
上個星期五同DAWN講o個時,
真係勁鬼樣衰!!
係8P度,D眼淚好似停唔到咁..
D人以為我搞咩...
最恐怖D眼淚唔係一滴咁滴,
係一堆堆....o個下係勁得人驚!!
最希望我同你地之間o既感情,
唔係因為太耐無見而變淡啦!!
要記住,當你地要搵人吹水o既時候,
即使所有人唔得閒,
我都會第一個聽你地電話....(如果我係電話附近!! 哈哈...)

A.Maths無咩點溫過...
得番兩日,我可以點呢??
應該都唔夠時間睇多次本書..
唯有靠自己D雞精啦!!!

開左學之後,
幾乎無咩邊日得閒....
無記錯,應該得2號同10號無野做...
其他日子全FULL..
真係希望呢幾個月辛苦的日子,
最尾能夠帶俾我理想的成績!!!