一、证明题

求证 ：「恋爱大过天」

证明：∵  宜家係一个「快熟时代」
           ∴「世界儿女」都会发生「18变」
           ∴  女仔由「一半女生」变得更加有「女人味」、更加「美丽无比」
           ∵「追女仔」係每个男仔嘅必经阶段
           ∴  对心仪嘅女仔会表现出「朋友的爱」
           ∵「朋友的爱」会逐渐变成「大浪漫主义」
           又 ∵  女仔俾「大浪漫主义」感动之后好多时会由「朋友仔」升级为「女朋友」
           ∴  男女之间就会堕入爱河，开始「蜜月」期
           ∵  爱情係盲目嘅
           ∴  恋爱中嘅情侣会变咗「盲头乌蝇」认为佢哋係「佳偶天成」
           ∴「连爱大过天」

二、简答题

点解考试「没法做足一百分」？

答：隔离左右嘅答案「你看得见吗」？看不见。而且宜家「世界变」，考试「60分」万岁，加上「60分」够「酷」，所以考试「没法做足一百分」。

三、论述题

Twins点解一直都「大红大紫」？

答：
①「有所不知」，Twins其实係「神奇两女侠」，係红遍「香港纽约」嘅「森巴皇后」。
②Twins同佢哋Fans嘅关系就好似「风筝与风」咁，承载着「同样的两个梦」，一齐「拍住上」扬威。
③Twins嘅「梨涡浅笑」係如此「美丽无比」同有「女人味」，迷倒万千少男少女。
④Twins嘅歌教识所有人恋爱唔可以「讲玩」，即使失恋都唔好「眼红红」，要学会「多谢失恋」。
⑤Twins嘅歌唱出咗「朋友仔」之间嘅「朋友的爱」，见证咗「友谊第一」嘅道理，使人明白到朋友之间虽然最后都会变成「分飞燕」，但每次翻开「我们的纪念册」都可以回忆起「那天很爱笑」。
⑥Twins係前无古人、后无来者、惊天地、泣鬼神、靓到天昏地暗、红到海枯石烂、「大红大紫」、无与伦比、「一时无两」、百年难得一见、可遇不可求嘅亚洲第一女子组合，而且有无数不离不弃嘅Fans喺背后默默咁支持，直到永远...
⑦所以Twins一直都「大红大紫」。