琴日聖誕走咗西環果個度,探我老豆個fd一家人~我老豆個fd個仔超搞笑!佢唔係成日笑,都好cool下架。佢得八個月,但係好大件(遲啲相簿有佢個樣!)佢成日跳下跳下,一聽到啲好勁嘅音樂就係度跳下跳下~

係9點幾,就走,去搭"叮叮"到中環睇燈飾~睇咗一陣,就搭船走lu~係碼頭度,見到間雪糕店未閂門,就買咗杯超大杯嘅雪糕!我揀咗個"魔沙雪糕樂"中嘅"曲奇小怪",即係"豬姑叻"曲奇!底個度有啲"豬姑叻"曲奇碎+"豬姑叻"碎+花生碎,中間有pat雲尼拉("煲冬瓜"拼音)味嘅軟雪糕,面有"豬姑叻"碎+花生碎+"豬姑叻"醬~於是我就一路食一路搭船,上到岸,經已食咗一半,有啲想嘔,唯有番屋企la~唉...仲想話係尖沙咀逛一逛,順便去埋海港城一間專門賣啫喱豆糖嘅店鋪買番啲糖添......希望過兩日可以黎la