今日去左賣書呀~除左中文同英文之外~其他全部拎左去賣~
原本諗住應該賣得百幾蚊~點知...^^一賣就賣左四百幾蚊la~
全部賣晒出去呀~^^都幾開心既~因為年年都會去賣~不過未試過賣到咁多錢~
因為係去阿姨屋企附近賣~所以就上佢屋企~因為好內冇去過la~
之後原來佢唔舒服呀~所以我就幫佢煮飯la~因為姨丈要返工~d表弟又唔識煮~
所以唯有我出手la~^^六點鐘食飯~咁岩姨丈返左黎~咁就一齊食la~^^
佢第一次食我煮既野呀~^^佢話好好味~^^搞到我好開心呀~
唔知係咪太內冇見過我呢~阿姨同姨丈都話我唔同左~又靚左~真係好開心~!!
不過後來有間公司打俾我呀~因為我琴日send左好多e-mail去請文員公司~
咁佢就問左我好多野la~又問我係咪未做過野~又問我係咪做長工~
因為我唔係全部e-mail都係搵文員~所以我就問佢公司係要做d咩la~
我覺得都好正常呀~點知~佢又問多次我係咪冇做過野~咁我就話~係呀~
果個人即刻話~佢諗我唔岩佢要請既人~=.=
問左我咁多野先話唔岩~=.=我份履歷都講左我冇工做經驗la~
都唔知係咪玩我嫁~=.=問左咁多野~搞到我幾開心呀~
我仲以為會請我~點知...唉~
算~我就唔信我搵唔到份更好既工~我send左咁多e-mail~
我就唔信會冇人請!!
不過點都好~我諗聽日開始~要去爸爸公司學多d跟單既野先得la~
^^希望會搵到份好工la~仲有...希望唔好俾人呃~好驚呀!!