Yandy向來對底妝既要求非常之咁高。
個底靚，簡簡單單既妝都已經可以好吸晴。

唔講得笑，終於唔洗面頸兩截色啦!!!滿意度+好感度直線上升!!!
開心得我呀!!!
仲要白白滑滑，真係剝殼雞蛋都冇咁滑<--因為Yandy連蛋都剝爛...^^"

可以令我自發性出文，真係好野黎架。

今次用既就係佢啦。
LANCôME VISIONNAIRE 系列 Teint Visionnaire 雙層零瑕粉底液(HK$490)

出左6個色:
紅Tone
P-01
P-02
PO-03

黃Tone
O-02
O-03
O-04

分色好清晰，想睇落白淨既人揀紅Tone，但紅Tone太深會灰，所以最深既紅Tone加入黃Tone Balance返。
自然感重D既黃Tone就可以去到更深既O-04色。

Yandy想就返頸，所以揀左比面深少少既O-03色。


嶄新雙層設計，頂層係遮瑕霜，底層係全效粉底液。

其實我一直覺得LANCôME係貴野黎，但原來又唔係想像中咁貴喎。
講緊係粉底+遮瑕兩樣野先HK$490，粉底3/4百，遮瑕百零蚊，其實又OK價呀。

不過上妝前既準備都唔可以忽略呀。

今次我試左集合千朵玫瑰蒸餾原液 Gulsha古爾莎晨露玫瑰水。
手上既係30ml的試用size，Gülsha晨露玫瑰水 HK$368/200ml，於莎莎獨家發售。
頂級珍貴，每一瓶200ml 玫瑰水要2公斤大馬士革玫瑰，約1000朵新鮮大馬士革玫瑰通過奧圖蒸餾而得。
唔怪得之玫瑰香味咁天然好聞啦。
絕對唔係膠膠地既假玫瑰味。

大馬士革玫瑰的飽和水溶性精油活性成分能去除肌膚暗啞，呈現白皙光澤的天然美肌。
水溶性精油滲透肌膚底層，高效補充肌膚水分，更可在肌膚表面形成強力水磁場。
改善乾燥、粗糙、脫皮、細紋與缺水現象，層層滲透，令肌膚純淨無瑕。

無論清晨、夜晚、任何時候，都可使用。

日常直接輕拍於臉上，上妝前Yandy喜歡來個濕敷。
更可敷上眼，替疲倦雙眼即時充電，退走黑眼圈。

由於性質極其溫和，對於敏感性皮膚能起消炎降敏，鎮定皮膚效果很不錯，是上妝前的好物。
用後皮膚變得柔軟有光澤，上妝事半功倍。

補妝時直接把玫瑰水輕輕噴在臉上，迅速滲透肌膚，溫和保濕。特別在冷氣房內，為乾燥的肌膚帶來滋潤，更有效定妝。


打好個底就開始上妝啦，我習慣用掃點均全面再推開。
LANCÔME雙層零瑕粉底液加入左VISIONNAIRE多元分子修復精華，化妝同時護膚。
粉底睇落好水潤，但稍稍印開已經感覺質地好透薄，推開如絲一般既柔滑感真係好靚。


先上個半面看看。
中度遮瑕，面上的小瑕疵一下子都看不見了。
膚色不均、毛孔粗大、細紋等肌膚問題基本上已經不成問題了。
就是黑眼圈有比較嚴重，用遮瑕把它KO吧。


遮瑕霜要用手指熱度溫熱一下先好用。


遮瑕能力好掂，印一層已經可以遮哂D暗瘡同黑眼圈。
重點係同粉底色完全一樣，零色差，唔會遮完又要補一層粉底上面。
但我稍微感覺持久力唔係太夠，耐左會有少少起乾紋既情況。

但唔係以5cm超微距既話都唔會睇得到，整體望落都係無瑕底妝。

而且仲match到我面同頸既兩截色問題，望落順眼哂!

黎個Before After就睇到個底妝有幾無瑕。

真係白白滑滑，剝殼雞蛋都冇咁滑架XDDD

難得個底妝咁靚，忍唔住手化返個靚妝出門。
個底妝靚，個妝真係點化都無得輸既XDDD