近年尾，除左家人之外，當然唔少得同朋友聚聚頭啦。

加入Blogger既大家庭，Yandy最感恩既絕對係多左班好姊妹>v<

唔覺唔覺又吹足成晚，吹到唔捨得走，耐何，工是要返的^^"

今次約左中心點又一城既GREYHOUND，一去到Yandy就覺得LOGO好熟口熟面。

唸左一輪，呢間野好似有賣衫架喎?!

OH! 原來香港冇，係泰國者XDDD

不過有衫又有野食都幾得意。

野食先行，頭盤。

薄切三文魚片配泰式辣汁 

好FUSION喎>v<我會形容係泰式生蝦味既三文魚，但三文魚易入口過生蝦，我都OK怕食生野，但呢個我食到喎。

招牌脆炸單骨雞翼 

真係招牌無誤，又香又脆，仲要有少少汁，好正。但要叉住黎食又難左D囉，我可唔可以冇儀態咁用手食?!XDD

秘製辣肉醬手包粉卷

呢個...我淨係食左粉皮同個辣肉醬，生菜可唔可以整熟先俾我食?!((打飛

粉皮...唔知講咩，辣肉醬味濃NICE!!!

脆炸粟米蟹肉餅配甜酸醬 

都係頭盤，見到已經立即夾囉XDDD
粟米、蟹肉都係我的最愛，仲要係炸物喎XD粟米仲粒粒都咁香甜，正。

軟殼蟹沙律配蜜糖芥末醬

好似都係必食推介黎架，上菜個下我就明哂啦，外型都夠哂殺食啦，係咪?!

似地唔錯，又唔會太乾身，配埋個蜜糖芥末醬就冇咁油膩，仲一D都唔嗆鼻，幾新鮮既配搭。

終於主菜啦。

泰式鹹魚乾辣椒意大利麵

FUSION AGAIN，味道有少少似蝦醬炒飯，再加少少咁多多辣，我幾LIKE啊。

泰式炒金邊粉

個蝦好香口，料又足，粉仲好爽口，不過我好豪氣咁撈哂D辣粉^^"所以整體辣左少少，但一開始食都幾野味架。

泰式河蝦冬蔭公湯河粉

個湯底幾唔錯，好鮮但又唔搶個酸，隻蝦大大隻又好味，粉就好似浸耐左少少，畢竟我地口水太多了，鐘意飲冬蔭公既話，呢個好有水準，但我個人對酸味既野只屬一般啦。

甜品如果係女生最愛既話，我只可以話俾你知，我係男架!!!@口@

但我又幾LIKE食芭菲，所以都係叫左個芒果芭菲。

好可惜...完全係有受騙既感覺^^"

呢個明明係「椰子芭菲」+芒果粒，底層仲有糯米...同我想像中既有好大差別...

但味道方面除左食到一、兩粒酸芒果之外，整體係幾有水準既。

藍蘭豆甜菊茶

好戲在後頭，成餐飯令我最興奮既就係呢杯茶!

本來藍綠色既茶加左蜜糖，變左紫色啊，Magic!仲好靚，味道甜甜地，帶花香味。

聽聞就咁飲茶唔落蜜糖係好難飲架喎。

反正一句講哂，必試!!!

下次再同大家食好野 :)