最近收到D韓系妝物，就黎扮下偽女神啦：）
韓國既妝物出名平、靚、正，仲夠哂出色，今次就用佢地，快速變偽女神啦!
底妝當然係用韓國帶起既氣墊粉底啦!
EGLIPS Volume BB Foundation #21 [18g.]
輕薄得黎上多幾層都唔覺厚粉，遮瑕度都唔錯，小瑕疵基本上都COVER哂，而且仲充滿水潤感，妝效好Juicy、好韓味架。
一陣會做咬唇妝，所以底妝順便遮埋個唇先。
韓國粉底致命既一點係白到亞媽都唔認得，但扮女神就係要夠白淨，所以上粉要上埋頸，再認真D手手腳腳都上埋就最好啦：）
呢個粉好深得我心既原因係佢既鏡面，唔洗打開都可以照到，補妝好方便。
我習慣底妝後上左胭脂先，唔係冇乜血色，眼妝會唔覺唔覺畫濃左架。
EGLIPS Apple Fit Blusher #2 [4g] (Sexy Pink)
呢隻胭脂色好有白裡透紅既感覺，帶少少粉，少女味出哂黎XD
不過記得唔好太重手，唔係太紅就唔夠女神架啦。
黎到最重要既眼妝部分。
EGLIPS Stick Shadow #1 [2g.] (Dark Brown)
EGLIPS Stick Shadow #4 [2g.] (Gold)
EGLIPS Ultra Auto Gel Eye Liner #2 [0.5g.] (Brown)
啡調實無錯既，夾埋個金色閃一閃，女神眼妝三樣法寶就夠哂啦!
佢既防水度真係無得頂，有日唔知點解冇落妝就走左佢沖涼，但沖完我成個眼妝係完好無缺係返到架囉>.<
即刻做個小實驗俾大家睇，我是但拎左D都幾出名話唔易溶既眼影筆、眼線筆出黎，沖完暖水用手指一捽，EGLips完好無缺係返哂到，其他4枝...狀況都幾慘烈下。
化妝啦，先用Stick Shadow #1Dark Brown貼住眼睫毛根部畫眼線咁畫一筆，快快手用手指由前到後一抺，漸層效果1秒完成。
再畫返下眼影，之後換#4 Gold填返成個眼窩位就OK啦。
黑色眼線太惡，唔太岩女神既柔和氣質，Ultra Auto Gel Eye Liner #2 Brown就岩哂啦。
畫好內、外眼線，再用棉花棒柔和返條眼線邊，成個眼妝話咁快就完成啦：）
EGLIPS Real Color Lip Stick #19 [3g.]
到唇仔啦，韓妝既Signature唇緊係咬唇妝啦。
呢枝帶橙紅色Matt感既唇膏絕對係打造咬唇妝既好物呀!
持久度仲好好添，搽上手背再用紙巾用力印，甩得最少係你啦：）
|
