MJ既睫毛液一向備受推崇，但一直都精益求精，最近又有新搞作啦：）

Majolica Majorca素之美人激長睫毛液 ($138@)

我會話佢係一枝扮素顏用既睫毛液，其實日常唔化妝既女仔真係唔少，如果淨係用一樣化妝品，幫你加到最多分數既一定係一枝睫毛液。

點解唔係眼線、眼影?

因為眼線、眼影點都有D色，成個感覺會濃妝左。

而睫毛液淨係強調返睫毛既存在感，自然得黎又有點精效果。

透明基底配上4mm烏黑纖維，一貫梳型掃頭，輕易把睫毛梳得根根分明。

夾完睫毛，用彎月型個邊搽一層，掃頭抓睫毛好順手，一掃就可以拉到尾。

下睫毛用平身個邊就更仔細。

有效防油脂、防淚水、防汗水，完全唔會有暈染情況。

單用效果自然，零妝感得黎有點精效果，岩哂唔化妝時用。

亦可以當成Base同Topcoat用，當Base搽完可以令睫毛更長更翹，當Topcoat就好似為本身既睫毛液加左層保護層，防油脂、防淚水、防汗水。

唔理你係天生麗質唔洗偽妝，定係想畫龍點精，Majolica Majorca素之美人激長睫毛液都可以幫到你願望達成，今日心情靚靚，等我加埋隻印水蝴蝶陪下我先：）