Yandy由小學開始已經係眼鏡娘，中學開始已經戴Con。

其實由年Con開始，我已經越戴越懶，而家基乎只戴One Day Con，連洗Con都慳返XD

但我最愛試唔同既Colour Con，無計啦，豆豉眼嘛，緊係要彌補下不足之處啦：）

今次就試左呢隻日本品牌LIL MOON彩色隱形眼鏡 (價格 $169/10片)。

分別係Cream Beige色同Chocolate色。

著色直徑 巨目效果13.80mm

含水量 中高38.00%

度數 0.00-6.00

配戴周期 1日

呢個產品最特別既地方就係巨目效果，有成13.80mm架。

不過個個品牌計個Size既方法都唔一樣，同埋都唔係越大越好架，有時太大反而會令對眼細左，所以個Size都係用黎參考下，實際都係試上眼最實際。

我幾鐘意佢開盒個位，一禁就開，唔洗工具。

先試左個Cream Beige色先。

望落個網紋好有層次，通常Colour Con最外圈係最深色既，但呢隻既外圈反而淺色返少少，可以令眼珠同Con既接合位更自然融和，加埋整體偏淺既色Tone，真係好有混血感>v<

戴上眼Size好Fit，有增大效果得黎又唔會冇哂眼白，同眼珠融和得好自然，深到淺好有層次，成個立體感好出，對眼即刻好似波子咁。

我化返日常妝，成個感覺都已經有少少異國風情，而且唔覺誇張，唔一定要化到好行先襯到對Con。

跟住就試埋呢個Chocolate色，呢隻係天然系既感覺，色澤帶棕，比較實色感，就算唔化妝就咁戴都可以做到自然放大既效果，放大感呢隻會比Cream Beige色再大多少少。

呢款戴上眼有種傻更更、呆呆地既感覺，最岩用黎扮可愛。

比較下素眼就知道其實兩款Con既增大效果都好唔錯，舒適度Nice，戴足一日都唔覺乾。

加上無乜走位情況，至於揀邊隻色就好是乎你想要咩感覺。

平均$3X對，我會傾向揀特別款，所以個人比較推薦Cream Beige色，佢個網紋真係做得好靚，仲可以Mix到本身眼珠。

Chocolate色都靚，但相對之下就比較容易搵到代替品。

希望之後有機會再試多D唔同款既Colour Con啦：）

「產品及有關資料由品牌提供」