HERA香港首間國際概念店開幕啦!!!
以後買HERA唔洗飛韓國啦：）
香港真係福地黎架，世界各地既化妝保養品都集中哂係呢個彈丸之地。
連K-Beauty潮流領導者HERA都選擇係香港開第一間國際概念店，都咪話唔威威豬呀!
我手上呢盒Cushion，就係成個韓國賣到斷哂貨，同法國Olympia Le-Tan合作推出既華麗玩味設計限量版氣墊霜，居然係香港有呀。
概念店以品牌紫色同白色為主調，設計簡約時尚，產品一目了然。
HERA美容顧問對潮流既敏銳觀察力，自信、熱情、時尚既韓國女性專業意見，瞭解客戶既肌膚需要，絕對幫到你變靚靚，全方位展現Seoulista既魅力。
韓妝代表緊係透薄而滋潤既妝容底妝，同搶眼既唇妝啦，HERA最皇牌既產品之咪就係佢地囉：）
Cushion氣墊霜係打造透薄底妝既必需品，咁多款Cushion都係HERA針對唔同需要設計架。
同法國Olympia Le-Tan合作推出既限量版氣墊霜，成個韓國賣到斷哂貨，居然呢到仲有。
每兩秒賣出一個既UV Mist Cushion臻潤防曬氣墊霜夏天非它不可啦!
仲有岩哂熟齡肌既Age Reverse Cushion煥肌抗皺氣墊霜，用完肌膚滑一滑既呢。
今次就帶左每兩秒賣出一個既UV Mist Cushion臻潤防曬氣墊霜同Age Reverse Cushion煥肌抗皺氣墊霜返黎試試佢。
白色夠Pure，紫色夠高貴：）
未講內涵，外型已經先贏一仗。
HERA UV Mist Cushion 臻潤防曬氣墊霜 (HK$331.9/15x2g)
具備五大功能：防曬、美白、遮瑕、保濕、舒緩，全方位解決多種底妝需要。
質地輕薄，貼服力強，塗上後肌膚整天都能保持水嫩光澤。
氣墊霜能有效抵抗紫外線，即使是炎熱潮濕的夏季也能持續12個小時不脫妝。
HERA Age Reverse Cushion 煥肌抗皺氣墊霜 (HK$412.6/15x2g)
讓肌膚充滿彈性，瞬間遮蔽皺紋，將美麗推向頂峰的煥肌抗皺氣墊霜，帶來一場美麗革命。煥肌抗皺氣墊霜能強化抗衰老功效，補充水份，深層護理肌膚，使肌膚青春永駐。
UV Mist Cushion係C21色，對於我黎講偏白左少少，但佢既防曬度絕對切合我既需求，最近日日都擺街站，曬到燒豬咁既樣，佢強勁既防曬度兼水潤效果，再加埋12個小時不脫妝，你話出去曬點可以唔同佢?
Age Reverse Cushion係C23色，隻色岩返我既膚色，滿滿既水潤感岩哂坐Office對抗強勁既冷氣，返足成日工都唔Dry架。
佢最大既賣點其實係Cover皺紋，不過可惜我冇紋，所以唔係好帶Feel，哈哈XD((囂張Mode
半臉效果睇到UV Mist Cushion真係白左少少，不過就比較有光澤感。
Age Reverse Cushion就岩返色，所以成個感覺
特登試埋UV Mist Cushion既12個小時不脫妝效果，我堅係街到曬足8個鐘以上，又熱又焗狂出汗既狀態之下，相信抺汗都抺甩左唔少個底妝，但返到去依然見得下人架。
另外一定要介紹既就係HERA既唇膏，一試之下鐘意到不得了!!!
手上既係#276 (左) 同 #126(右)
一睇就知滋潤度唔錯，係薄身既唇膏，完全唔會黏嘴。
#276 (左) 橙色好活潑開朗既感覺，而且好Fashion感。我通常搽佢出街站，人都醒神D。
同 #126(右) 就係百搭色，隻色其實幾出，但襯咩妝都OK，穩陣得黎又幾搶眼。
要大讚一下佢既持久度，我自己成日食唇膏架，但呢隻食足成朝都仲有色，而且唔覺Dry，搽搽下有時都唔記得自己搽左唇膏。
係近日既新寵呢!
DFS旗下香港 T 廣場廣東道店是 HERA的主概念店，8月1日開幕後，不僅可以得到HERA美容顧問的專業意見，體驗頂尖的化妝服務，購買HERA產品滿一定金額後，還能得到精美套裝禮品 (數量有限，先到先得)。
想朝聖一下既SIS，記得留意以下日子啦：）
DFS 旗下香港 T 廣場廣東道店
地址：九龍廣東道28號力寶新太陽廣場
時間：8月1日 - 11月30日 (共4個月)
香 港 T 廣場美妝世界 銅鑼灣店
地址：香港銅鑼灣軒尼詩道500號希慎廣場
時間：8月17日 - 9月30日 (共7週) DFS 旗下香港T廣場尖東店
地 址 : 九龍尖沙咀東部麼地道77號華懋廣場
時間：8月1日 - 8月30日 (共1個月)
DFS香港國際機場店
地址：香港大嶼山香港國際機場
時間：8月1日 - 9月18日 (共7週)
HERA Home page : http://www.hera.co.kr/kr/ko
HERA Face book : https://www.facebook.com/hera.kr
|
