認識nest beauty已經好一段日子，從世界各地嚴選優質有機護膚品牌打造出既有機健康護理品店，但大家都將注意力放左係保養品同香薰產品到，其實nest beauty都有吸納有機健康既化妝產品架。
為左等大家有多D了解同認識，nest beauty就講左Will Or為我地介紹下2015全新「I'm a legend」活力仲夏彩妝系列，再教下我地點樣應用，打造夏日彩妝。
黎自法國既有機彩妝品牌Couleur Caramel冇化學成份，肌膚零負擔。
以天然活性成分為妝物注入修護效果，化妝同時修護肌膚。
仲推出左唔少有機新品。
一齊睇下Will Or既示範啦：）
上眼影之前，大定成日都會遺忘既呢一步，上底妝要打底，上眼妝都要打底架，Will就用有機眼影打亮霜Magic Touch作為今次既眼部打底，cream狀質地，帶自然的珠光色調，有提亮膚色既功效，仲可以令之後既眼影更出色架。
眼影就用左活力仲夏彩妝系列既#158 炫彩天藍做主色，#157 迷人亮啡做眼尾輪廓。下眼影就用左#159 清新薄荷，眼影經過微粉化既過程，搽既時候特別順滑易推，Will好輕鬆Blend開就已經做到好自然既混和效果啦，仲有保濕同修護既功效呀。
眼線又黑蚊蚊就太悶啦，Will用左有機眼線筆#13 炫藍高雅去勾畫眼尾1/3既位置，做左條好搶眼既彩色眼線呀。加入左有機蜜蜂蠟、小燭樹蠟、乳木果油等天然修護成份，保護返脆弱既眼部肌膚。
再用埋有機光影球做埋輪廓部份，一深一淺，淺色做Highlight，掃係鼻樑、下巴、眼底C字位位，深色就當然係陰影啦，打斜由耳側掃向臉頰就有瘦面效果，仲可以慳返唔洗上胭脂添。
又一個大家成日都遺忘既步驟，唇膏斬需要搽防曬架，咁當然唔可以用平時搽面既防曬啦!
Couleur Caramel新推出既有機防曬護唇膏 Lip Protector SPF30係時候登場啦，有SPF 30，維生素E、有機杏桃油、橄欖油、荷荷巴油、有機蘆薈提取物及乳木果脂，防曬同時補水鎖水，隻色Nude Nude地，單用或者當唇既打底用都得架。
今次Will就用左有機防曬護唇膏全嘴搽，再加返D有機亮透唇彩係唇中央，今期興韓韓地嘛：）
|
