Liquid x Powder!技術係將精華成份加入輕透粉末粒子同抗油光粉末內搞勻，多種精華液會平均包裹住粉末粒子，經過輕壓既過程製成粉餅狀。
比上一代既粉末輕左足足66%，摸上手軟綿綿咁，好無重啊!
價位超親民，空氣感無瑕粉餅$95/8g (補充裝) 粉盒$35
粉紅色向來都唔係我杯茶，但Za呢個粉盒只係$35，買個粉樸都唔止呢個價啦。
而且用左線條感既幾何設計，女性化得黎又幾有特色。
即刻試試佢先!
個粉本身有少少膠水，應該係用黎痴住個粉盒，咁要換粉個時咪要溶返出黎囉?!到時再算XD
不過個粉又真係好滑，附送既雙面粉樸，用海綿面上粉，絨毛面重點遮瑕。
痘印仲未清，點都要再落返D遮瑕先見得人，直接再用絨毛面印返少少粉定妝。
你見我成面痘印都知我最近既膚質唔會好得去邊，但上妝完全無卡粉情況，妝感好自然輕透。
妝效偏向啞緻感的，有平滑膚質既效果。
自然既透光感底妝，感覺唔錯，而且好爽身，又夠貼膚。
粉餅黎講真係幾唔錯，返工快速上底妝就最岩用，一步完成。
全新Za 空氣感無瑕粉餅，粉系確不同，即刻挑戰現呢個無重•無瑕既零死角裸妝啦：）
於指定屈臣氏、莎莎及APITA有售。
