繼上次一個不小心把頭髮染得過黑後的兩星期，我又再一次挑戰自己染髮。
其實上次除了顏色以外，一切都很滿意，但顏色這會事，我都係鐘情於好日系色既Liese泡泡染髮，最近新系列Liese Blaune有7 隻顏色選擇，主打Cover白髮，6倍豐盈泡沫，染出黎既顏色特別均勻。
我今次就揀左淺金棕色，我個頭黑到一個點，所以我都唔想理個色，總之就係要淺就係啦XD
盒入而有1液、2劑，有個用黎擠泡泡既蓋同染髮之後用既護髮素，仲有說明書同手套一對。
將1液、2劑撈埋，慢慢倒轉再倒轉幾次，唔好搖呀，以唔起泡為目標。
最後換返個擠泡泡既蓋。
開始將D泡泡放上頭，我都習慣處理左頭頂到劉海既部分，再處理兩邊，最後先到後面。
我既髮量用左2/3枝左右，但反正有多，都擠多左幾下補返D洞洞。
慢慢D泡會變得綿綿密密，有少少似綿羊D毛毛呢，之後仲會慢慢變左有少少啡色咁, 豐盈�H泡泡仲可以幫助上色。
等20分鐘就可以洗啦。
用溫水流走哂D泡泡先，洗兩次洗頭水，感覺頭髮都唔會太糾結，可能短髮比較難打結啦。
記得要用佢附送既護髮素，呵護返髮絲又幫助鎖色。
洗完出黎個頭, 吹返乾之後見到有啡啦：）
雖然同淺金棕色有D差距，但唔係黑蚊蚊我已經好感動，畢竟兩個星期前先染到黑蚊蚊。
如果頭髮好似我咁黑，染出黎既效果真係會比較似棕色多過金色(好似Packing上面咁)，而其實染出黎既效果又似十足佢深色頭髮個張XD
不過，可能係因為我頭髮本身比較深色，所以下次可以等多5至10分鐘先去洗!
細心望下其實染得幾均勻，唔會一達達色，雖然唔係淺色髮，但都唔再係一粒黑人頭，可以俾D頭髮抖抖，遲下再染過：）
「產品及有關資料由品牌提供」
|
