冬天差唔多過啦，又係時候添新裝，同大家睇睇MASSIMO DUTTI 2016春夏男女裝系列有咩咁吸引啦。

今年推出鼓動人心既紐約系列，等我都黎試下都會風先：）

限量版系列有絲綢、亞麻布同棉製服裝，加上皮革製既手提包、錢包等飾物，呼應延續之前既系列。搶眼既金屬扣令單品更具風格。

個人偏心佢隻錶，簡潔既設計兼充滿質感既材質，充滿氣質感既單品。

女裝方面著重色彩同線條既配搭。

以重點單品帶出時尚感，著重材質既運用並加入獨特圖紋，精美得黎用左中性色調呈現，就好似呢件中褸用皮革製，但版型靚得黎又夠柔軟，著落仲勁輕身，完美打造新時代女性剛柔並重既味道。

亞麻布料舒適柔軟，溶入自然大地色系，為炎炎夏日降溫。

同時加入編織元素，大大提升精緻度同耐看性，著舊左應該仲更有層次。

出色別緻既剪裁盡顯復古色彩，加入民族元素，係當中最吸引到我既系列。

黎到男裝，同樣貫徹中性色系，但拼撞葡萄紅、橙啡等的注目色，運用酒精揉製的皮革將時尚同悠閒並列了。

混色針織都係MASSIMO DUTTI既拿手好戲之一。

深邃靛藍色加上幾何編織，呈現古巴五十年代既奇妙風情。

皮革同亞麻質料出奇配合，加上人手刺繡既民族圖案，盡顯裁縫既巧手。

紮染、印花為時尚型格之中加添了悠閒感。

經典復古風當然唔可以錯過，自然色系外套，加入民族圖案，再配上眼鏡、背袋等運動元素，帶黎令人耳目一新既民族風。配搭出豐富既層次感。

另一邊箱，西裝外套亦悄悄起革命，幾何＋亞麻質料既西裝外套，好有恤衫既味道，絕對係今季既著眼點。

唔知大家有無搵到心水款式呢?

Massimo Dutti 旗盤店：

中環皇后大道中50-52號陸佑行地下

九龍尖沙咀海港城港威商場2214A & 2330-31號舖