化妝同髮型永遠係密不可分既，今次黎到MAKE UP FOR EVER又一城專門店，搵返我比例完美的臉龐及髮型：）
兩大著名國際品牌MAKE UP FOR EVER及 ghd 攜手合作舉辦左【彩妝美髮POP-UP設計室活動】期間限定既專業輪廓塑設計室，以彩妝及美髮產品，為您度身打造最佳輪廓造型。
以MAKE UP FOR EVER全新推出PRO SCULPTING專業光影輪廓系列，再配合ghd專業美髮用品的合適髮型設計，為您發掘最佳輪廓線條。
更會教您當中專業秘訣，讓您掌握技巧，輕鬆成為自己的塑型大師。
即刻開始大變身啦！
PRO SCULPTING PALETTE專業光影輪廓修飾組合
一盒四色，高光、陰影、提亮、調色：4步自然修容，仲有兩組唔同色調迎合唔同膚色需求。
第一格係底妝既打亮，無閃，主要用黎突出輪廓。
第二格係陰影，同樣無帶閃，用黎修飾面型就夠哂自然。
第三格係帶閃既光影，主要用黎做T-Zone位，臥蠶亦得。
最尾係胭脂，帶橙調打造自然妝感。
BA教路，只要用手指摸權骨對下既凹位，就係落陰影既位置，即刻瘦面呀！
做哂成個底妝既輪廓都係一盒就搞掂，霜滑配方自然貼服，仲持久不脫架。
極鐘情陰影隻色，望落超自然，效果又明顯。
PRO SCULPTING BROW專業光影自動眉筆
好似變形金剛咁，一枝有齊三角眉筆、提亮同眉刷。
三角型既眉筆，畫落特別順手，粗又得、尖又得，有埋珠光粉末的海綿擦頭提亮邊緣，令眉骨輪廓凹凸有致，再用眉刷掃返自然，方便程度要俾滿分，眉色仲好自然好靚添。
PRO SCULPTING LIP專業光影唇膏筆
好新奇既唇膏筆，一邊係沾有珠光粉末的海綿擦頭，Mix黎用，就可以打造唔同既唇妝。
本身搽既唇膏甩得7788^^"
先用海綿擦頭個邊珠光粉末打亮成個咀，粉末觸感幼滑細緻，光澤珍珠母有提亮豐唇既效果。
再用絲緞感既唇膏帶出唇色，靚哂！
化完妝即刻整返埋個頭先。
ghd既造型直髮捲髮器出名就一直都知，原來造型產品都一樣咁掂。
ghd首席造型師JamieLeeHair親自教授，先整鬆髮根，成個頭即刻充滿空氣感。
用ghd platinum一夾、一扭，專利tri-zone®技術，令每邊各3個發熱sencer穩定地保持185度最佳溫度，唔傷頭髮同時帶出完美造型。
唔想頭頂貼實哂就可以用呢招，用單邊ghd platinum係髮根位置向上拖幾下，髮根即時出現完美弧度，充滿空氣感既髮型兩個小技巧就做到啦。
今次活動真係唔少得著，好多有用既技巧，最近化妝整頭都得心應手左呢：）
Makeup Forever：
|
