早前出值左KIKO x Ross Lovegrove Collection既Party，今年夏季全新限量版系列將化妝與藝術完美結合，誕生出以溫暖的色調陪襯優雅的玫瑰金色既彩妝系列，襯托出女性的柔美特質，更展現KIKO精神，「美麗屬於每一位女性，一起繪出彩色人生。」
以WANDERLUST包裝設計，金光閃閃既野，女仔一定唔會抗拒。
OUT OF BOUNDS EYELINER PEN $99
ENDLESS SKY VOLUME EFFECT MASCARA $145
先講眼線筆，好畫又好控制，粗又得，幼亦好無難度，顏色好濃黑，沖水都完全唔甩色。
我就唔算太油眼，少少油啦，化上眼成日都唔會化，持久度非常之讚。
直接由眼妝開始，素眼戴左con，今次揀左隻淺色少少既。
今次就想營造乾淨利落既眼妝，所以直接用眼線筆畫好內、外眼線，顏色真係好黑好實，唔上眼影，眼部輪廓都係返哂到，之後再用點點法做個下眼角既三角位，虛、實對比令眼仔更有層次。
之後就到睫毛膏啦，其實Yandy真係無幾條眼睫毛，平時基本上都無可能睇到我既睫毛^^"
唔信?!你拉返上少少望下我素眼/畫眼線時既睫毛就知啦。
而KIKO呢隻係我用過既睫毛膏之中算係濃密既一枝，佢既配方係搽上睫毛既時候會形成一層增厚膜，令到睫毛既濃厚感大大提升，亦唔易造成糾結既狀況，不過個刷頭對於我隻豆豉眼黎講就有少少過大，搽既時候要好小心，唔係好易整花個妝架呢~
集柔軟、水潤、亮彩於一身既唇部護理，專用既刷頭，每次既份量唔太多，搽起黎亦好均勻。
顏色方一面，自然，撫平唇紋又透返你本身既唇色，好岩日常用。
磁石封口設計令一開一關好有滿足感，外型亦充滿女人味，觸感亦好加分。
顏色方面，上色度非常之令人滿意，無論深、淺色都一層就夠上色，質地好Juicy潤滑。
#01用黎做咬唇妝既打底色真係一流，但其實單用都好靚架。
我就鐘意mix埋#07做咬唇妝，貪佢隻色女仔得黎好後生，單用既話用黎襯晚妝亦好好睇。
Nude色上唇都無問題，深色就一定掂啦，一層就搞掂，唇膏個斜角位仲可以用黎畫返靚個唇山位，咁就唔怕兩邊唇山唔對稱啦。
右上#08係好典雅既紅唇妝，顏色、質感都好靚，仲好顯白，不過襯係我到就爭咁D味道啦。
右下#16我會形容係女強人感覺既唇色，有種好smart、好有霸氣既感覺，亦係非常顯白既顏色。
單用#16既感覺有少少同我格格不入，不過mix埋#01用又幾清新，有無少少Smart左?!XD
|
