SHINEHOLIC深層卸妝潔膚水 (HK$98/ 500ml)

佢地都係Made in France架。

SHINEHOLIC輕透無瑕粉底液 (HK$120/ 30ml)

嶄新加入「超輕盈透氣配方」，無重的空氣感擺脫上妝後帶來之肌膚負擔，配合吸油粒子及先進抗轉移技術，告別斑駁出油既問題，好岩夏天喎。

夏天既妝容最怕厚重，今次一深一淺兩隻色，可以係底妝時做埋輪廓，Less is More：）

先用01淺色點係T-Zone同權骨位，再用02自然色補位。

由T-Zone開始用粉底刷掃開，輪廓感底妝完成。

我呢排D肌膚真係唔係好聽話，生左好多痘痘，黑眼圈都走哂出黎。

我直接用多少少02色粉底再遮遮佢，都遮到7成既，效果幾唔錯。

粉底質地真係幾輕盈透氣，有種似有若無既感覺，修飾毛孔、瑕疵既效果都算唔錯。

獨特水凝復生植物精華，係肌膚表面發揮持續保濕功效，妝後肌膚望落水潤柔軟，妝感都幾唔錯架。

加上創新既「吸油粒子」及先進「抗轉移技術」，無間斷收歛並調控多餘油脂，更有效對抗汗水，令妝容全日持久貼合，成個妝Keep到大半日，以呢個價位黎睇都真係幾唔錯呀。

SHINEHOLIC深層卸妝潔膚水 (HK$98/ 500ml)

化完妝要落妝，由法國實驗室研發，針對各種頑固彩妝，獨特Micelle配方可深入毛孔，徹底清潔微細及隱藏雜質，達至深層清潔功效，只須輕輕一抹，瞬即去除面上各種彩妝及污垢，無須過水，方便使用，溶解污垢同時保持肌膚清爽水潤，無酒精成分，敏感肌膚亦可安心使用。

我日常妝只有防曬＋遮瑕＋眼影，一般都會用落妝水卸，唔洗過水方便D嘛：）

懶小孩就覺得抵係幾抵用，但下下要拎起黎倒實在有D麻煩，希望遲下出泵裝啦。

個人覺得有少少拿眼，感覺唔係好夠溫和。

但就落得夠乾淨，一張化妝棉加三、兩下就抺甩哂D妝，第二張已經抺唔到D咩啦。

日常妝平平地用我都覺得唔錯既，如果有畫眼線、睫毛液既我就會用返落妝油。

SHINEHOLIC係平價產品黎講都有幾唔錯既CP值，黎自法國又好似有D加分XD

整體感覺係用得安心之餘又唔肉痛，質地都幾岩香港，效果亦出得廳堂。

入門級／小資女非常值得入手一試架。