再一次感謝辛苦照顧我既各位，愛你地。
返香港後每一次出席活動，或者見到朋友，通常都係問我抽脂既結果XD
好吧! 即刻將成個過程報告一下啦!
應該係由返到香港開始講。
抽脂本身並唔痛，麻醉哂，直情連感覺都無XD
真正既傷口得四個，大約只有5mm大，我唔覺得係痛，係痕，成日都想R^^"
比較辛苦既位係沖涼，貼左防水膠布都硬係形住會整濕傷口，無平時沖得咁Free。
洗傷口係最要小心既，唔可以入水，保持乾爽，傷口位置非常私密，要請信得過既人幫你清洗啊：）
而家傷口既狀況係咁既，其實都幾明顯有突起T^T
有得揀既話，我個人覺得唔用自動溶線，傷口好似埋得靚D。
不過就好在只要有著底底既都其實睇佢地唔到。
一般黎講手術後已經可以正常活動，但我就因為本身血壓低，加上手術前一日先岩岩同大姨媽告別，所以手術後一直踎低起身見頭暈，做療程前要先評估身體狀況，每個人恢復情況不同，可以先向光澤線上諮詢了解清楚療程要注意的事。
安全起見，醫生都寫左5日假俾我休息，但公司既野太忙，我其實都係Keep住在家工作，個人係精神的，只係郁動比較慢，踎低起身見頭暈XD
撐起自己個下需要少少勇氣，呢個動作頭幾日做係會痛既。
但最痛係Pat Pat，因為成日坐同訓，夜晚訓覺會放兩個枕頭墊高對腳，醫生話血液循環會好D，但我早上起身對腳一定唔係枕頭上面既XD
比較痛苦既係康復既過程，係個身好似俾人打瘀哂之下要著塑身衣真係好累...
著左塑身衣之後腰版挺直，真係腰酸骨痛架，腳都有著，總之就成個人好繃緊。
不過有好處既，個人姿勢正確左，望落好似高左XD
加上塑身衣Fit身都震，食野完全食唔得多，食量減半咁濟^^"
順帶一提，瘀傷大約一星期已經全消了。
手術後兩星期已經明顯清減左唔少啦，條牛仔褲去台灣前係岩岩好有少少迫個種，返到黎著腰位起碼摺走兩吋都仲好有空間。
體重方面我係輕左5-6磅既，不過抽脂重點並唔係減重量，反而係著重改善身型，記得要配合運動及飲食控制，唔好再俾脂肪細胞體積增加，如果唔係體重同吋數一樣會反彈架。
雖然表面上行得走得，但著三個月塑身衣其實係需要D毅力去完成既。
同埋摸係肚上面係有唔少硬塊，係有拉扯感既，晚上特別明顯，同埋腰板挺直，個人好易累，又唔多想郁。
呢張係手術後半年後既狀態，肚肚都未完全平滑返哂，換起黎同睇落都有少少塊狀感，我朋友話似係有腹肌XDD
個人感覺係都可以接受，畢竟我只有手術後個幾星期有按摩下，之後都無理過XD
聽講有人3-6個月就全消，耐既成年亦有，我大概係因為血壓偏低同埋新陳代謝比較慢，所以康復得比較慢，不過以上種種對生活上既影響都唔算太大。
不過醫生都話唔按摩既話，慢慢等D硬塊最後都係會消哂既。我覺得可以接受：）
上個月亦突然飛左轉韓國，我地通足兩晚頂去Shopping(( Shopping能醫百病是真理XD
平時我著衫都揀D鬆身為主，遮一下身上肥肉^^"
我今次都入手左貼身少少既衫：）
著貼身D都唔怕凸左個肚腩出黎，整體完全無後悔XD
過程唔係真係太辛苦，反而係擔心居多。((不過我本身係幾忍得痛既人
一來未真正體驗過，身體感覺有少少唔妥我就好驚青XD
不過值得一讚既係光澤個邊Follow up得好好，我有咩事Whats app佢地都會好細心解釋，希望唔會令佢地覺得我係煩膠啦XD
如果同我一樣的唔起心肝做運動／減少食量，我覺得接受到既抽脂其實幾唔錯XD
想瘦邊到就抽邊到，特別係好似我呢D本身唔係太肥，主力想修靚身型，著衫好睇D。
我其實希望可以抽埋大腿／手臂既肥肉XD
等完全復元了再想吧：）
有需要可以PM/Email我，或者直接去港澳fb有專人線上服務啊：）
港澳fb : www.facebook.com/DR.shine.hk
台灣區官網 :http://www.dr-shine.com.tw/
「療程及有關資料由品牌提供」
