原諒我素顏XD

早前出席 Heroine Make華麗祭典，現場以夏日祭典為主題，有專業導師幫您即場試穿日式浴衣，而我居然無時間化妝((大哭

場內設有祭典攤位遊戲、日式小食亭、祈福許願欄及傳統和室佈置場景等等，好似去左日本咁呀。

搞咁多野都係為左我地既主角--強效防水同時輕易卸除既嶄新「易卸防水膜型」睫毛液。

當然要即刻試下啦，Heroine Make既睫毛液都真係用左好多年，雖然我唔係經常搽睫毛，但搽得十次有八次都係用佢。

外型包裝上真係幾吸晴，換左個粉紅X玫瑰金既蓋，靚得黎好女仔。

刷頭型狀係我最鐘意佢既地方，大細適中，帶少少弧度，搽起黎非常順心。

先夾好眼睫毛，我非常疏落又唔太長既睫毛，真係好無存在感XD

睫毛液用左瞬間定型配方同形狀記憶聚合物，搽上睫毛液既一刻就快速鎖定鬈曲度，令睫毛做到挺立而根樓分明既效果。

用刷頭前端仲可以照顧埋眼頭、眼尾既細小睫毛。

效果非常明顯，即使唔化眼妝，剩係搽左睫毛液都已經令我隻豆豉眼加分不少。

而今次睫毛液重有個非常好既優點，我平時唔鐘意搽睫毛液最大既原因係卸妝麻煩，要落三、四次先清得乾淨，Heroine Make睫毛液就用左嶄新既「易卸防水膜」配方。

有超級防護聚合物對抗汗水、淚水同油脂，但同時有被潔面產品可溶解，者係話，一般洗面產品就已經可以卸除Heroine Make華呢隻「易卸防水膜型」睫毛液，真係好方便，仲落得好乾淨呀!