滿心期待左一陣子...終於俾我等到你啦！！！

Philips全新推出既Eye Brightener眼部明亮按摩儀，終於黎到香港啦！

點解咁期待？

對我黎講，眼部浮腫、疲勞係最大問題，畢竟我日日對住部電腦10小時以上，再加埋天生既泡泡眼，成日會腫到唔見左條本身已經少得可憐既雙眼皮，如果預著個排多野做，個黑眼圈仲會出黎湊熱鬧...

天生豆豉眼，所以已經好努力做眼仔既保養，但保養這回事，真係要有D自覺性先做得到^^"

懶小孩總是成日偷懶...

但如果有D助力呢，件事又會好唔同：）

以創新的Optimode冷暖煥能技術，一機結合冰涼消腫、溫熱舒緩和排毒緊緻，3種不同模式對抗5大眼周困擾，短短數分鐘，邊保養邊享受，咁就唔會懶啦：）

仲有兩隻色，男仔女仔都岩用架，用黎做聖誕禮物都唔錯既呢！

好心急！即刻開箱先！！！

Philips Eye Brightener 眼部明亮按摩儀 ($998@)

配件簡簡單單，Eye Brightener、專用收納袋、一條充電線。

唔怕唔見，拎起手就用得。

USB充電完全唔洗擔心插頭問題，一機在手，世界通行，仲係Android線，緊有一條係左近。

充電2小時就夠用28次，非常方便呢！

一邊係凹面變溫按摩頭，另一邊係矽膠粒按摩面。

凹面設計全面覆蓋眼窩，又唔會直接擠壓到眼球，令感覺更舒服。

19 ° C冰涼消腫、40 ° C溫熱舒緩，而且冷、熱轉換大概只要十幾秒。

唔使再又冰匙、又暖包，拎黎拎去，有Eye Brightener就夠哂啦。

Eye Brightener得一粒制，但就有三個模式：

♥ Refresh冰涼消除眼部浮腫

♥ Relax溫熱舒緩雙眼乾澀和疲勞

♥ Detox排毒緊緻擊退黑眼圈和預防細紋

學埋以上4個手法。

第1同2係♥ Refresh冰涼消腫 用既，Loop住做到聽到BI-BI聲就轉另一隻眼。

第3個手法係專門俾♥ Relax溫熱舒緩 用既，放係眼窩等到聽到BI-BI聲就轉另一隻眼。

♥ Detox排毒緊緻係冷熱交換既，Loop住做1直到聽到BI-BI聲，反轉矽膠粒按摩面做第4個，俾少少時間Eye Brightener調節溫度，再聽到BI-BI聲就可以轉返凹面按摩頭做1啦。

再聽到BI-BI聲時就轉另一隻眼，重複做多一次。

如果岩岩開始解唔係太記得D手法，可以貼住張貓紙先。

不過好似我咁無記性既，每個Mode用左一次之後已經記得啦XD

反正就係聽聲做人啦，好易上手者。

我用左個幾星期，已經Feel到對眼仔緊緻左唔少，雙眼皮出返哂黎，黑眼圈都大有改善呀！

即使素顏對眼仔都咁Bling Bling：）

我自己最Like ♥ Refresh冰涼消腫 Mode，早上上妝前花2分鐘消消腫，對眼仔即時大左、精靈左。

另外，我都有帶佢返公司用，對電腦對到攰，開個♥ Relax溫熱舒緩雙眼乾澀和疲勞，唔洗郁，就咁放係眼窩上面幾分鐘，唔單止眼仔Relax左，連腦袋都Relax埋。

至於♥ Detox排毒緊緻，擊退黑眼圈和預防細紋，我會臨訓前有時間先做，好訓D架。

用完之後用毛巾抺一抺乾淨就可以變返入專用收納袋，記得唔好用水洗呀，唔濕得水架。

發佈會當日按摩師仲配合埋VisaPure Advanced幫我做肩頸按摩，真係舒服到差D訓著呀！

而家佢地而家黎哂我屋企，自己想幾時嘆下都得，再唔係，同你另一半互相按摩都好Sweet Sweet架♥

如果你仲煩惱緊聖誕節要送咩禮物，不妨唸下Philips Beauty既產品呀，每一樣都簡單方便又易用，有左呢D小儀器，生活都便利左。

而且男女、老少都會照顧週到，緊有一樣討得佢地歡心既。

查詢 ： Philips 客戶服務中心2619 9663

零售點 ： 各大百貨公司及電器店有售

Official Website: http://www.philips.com.hk/

Official FB Page: https://www.facebook.com/PhilipsBeautyHK

「以上試用品由品牌提供」