放假後分享返我今年既聖誕節打扮：）
我今年聖誕提早左過，25號正日有化妝工作。
左面是23/12，仲要返公司既聖誕前妝妝容，要返工實在冇咩時間，簡單換上大眼仔，日常妝都已經夠哂精靈。
右面24/12平安夜同朋友開P，當然要搞搞新意思，灰啡色既大眼仔即時令人耳目一新!
今年真係太忙碌，與其花時間試新妝，不如耍個小心機...
Clalen iris係韓國大熱大眼仔，由秀智代言，一盒十片 (有一盒三十片裝架)。
直徑14.2mm，放大眼睛，同時效果自然。
呢隻係JazzBlack，少有我會用既黑色大眼仔。
佢黑得黎帶少少灰，對眼精靈左但唔會似ET眼，明顯會見到我本身眼珠係帶啡調再漸變成灰黑色既，效果好自然。
咁返工當然都化返個自然既日常妝，眼型更加圓碌碌，自然得黎加添一份可愛。
日本品牌LIL MOON彩色隱形眼鏡，我其實之前都有介紹過，超級喜歡佢既巨目效果，一盒十片。
舊文回顧: 偽混血感X天然系＠LIL MOON
之前試Cream Beige時已經愛上左佢既混血感>v<
今次發現Cream Grege帶少少灰調，原來更岩亞洲人!!!
望落膚色會更加白淨，眼仔更加有神>////<
不過記得用呢類帶灰調既淺色大眼仔，一定要化返個妝，唔化真係會好似白內瘴架XDDD
好似我咁貼埋假睫毛就更完美。
平安夜黎個不一樣的感覺吧：）
(上) 素眼
(中) Clalen iris JazzBlack
(下) LIL MOON Cream Grege
兩款大眼仔都戴得舒服既，LIL MOON我直情戴足15個鐘(唔好學我>////<)都完全冇唔舒服。
Clalen iris JazzBlack有種好Pure Pure既感覺XD
LIL MOON Cream Grege就好鬼妹仔咁，兩款都大愛呀!
|
