黎到初三赤口，經過新年前到初一、二既疲勞式轟炸，唔單止個人要叉叉電，肌膚都係時候要叉叉電啦！
唔洗拜年，俾自己宅在家，邊hea邊保養，好好放鬆一日：）
Just A Time係採用韓國當地各種優質的成份、再配合最新的護膚科技，打造出100%韓國製造的護膚品，今次就試下呢片水力活膚保濕面膜 The Real Essential Power Sheet Mask – Aqua。
由聖誕開始忙忙碌碌無停過，肌膚狀態偷偷下滑，極少敷面膜既我都係時候要努力一下啦。
雖然一片精華容量高達23ml，拎出黎既時候亦唔會水滴滴，敷耐左都唔怕乾。
面膜紙係天絲纖維面膜紙，以天然桉樹為原材料製成，不含螢光劑、漂白劑等有害成份，仲可以被生物分解，比其他面膜紙環保，愛美、同樣要愛地球。
敷起黎透氣度高而舒適，感覺又薄又貼面，精華傳遞能力仲更好添。
邊敷可以邊做自己野，唔會四圍滴，因為天絲纖維面膜紙比傳統棉紙的吸水力強達50%，所以滿滿23ml既精華都可以緊緊包裹係面膜紙到。
|
