岩岩過完新年、情人節，瘋狂咁吃喝玩樂之後，又係時候收拾殘局，我講緊你掛住去玩，作息亂哂，落妝是是但但，保養又無做足，仲未計偷偷放縱乜都食哂落肚既應節食品，皮膚差左好正常者！
之但係，過節喎，開心事黎既，皮膚差左咪養返好囉：）
28日後又係一條好漢。
口碑一向唔錯既KOSÉ COSMEPORT，最近就推出左全新黑糖精系列。
價位非常親民，最貴既美肌凝露都不過係$109者，以上全包都係講緊$336，幾封利是錢已經夠入手，學生sis都負擔得起。
主打發酵黑糖精華，深入滲透及滋潤每個角質層單細胞，提高肌膚鎖水能力，養出天使嫰肌般水凝，剔透同光澤感。
黑糖精深層清潔濃黑洗面膏 (建議零售價 $59 / 130克)
成份及功效：
♥ 發酵黑糖精華：滲透每一個角質層單細胞，鎖水保濕。
♥ 炭：吸收肌膚多餘油分，同時緊緻毛孔，打造光滑細緻美肌。
♥ 面膜泥質地：深層清潔，徹底清除毛孔中的污垢和老舊角質，細緻泡沬帶來清新舒適的潔面體驗。
♥ 雙重透明質酸：以兩種大小不同的透明質酸鈉及水解透明質酸，滲透深層肌膚。
♥ 無礦物油、酒精，不刺激肌膚。
洗面膏起泡力一般，直接用手打泡比較攰，所以我都係用起泡網幫幫手。
洗起黎有種乾淨既感覺，好似毛孔入面D污糟糟都洗哂出黎咁，過水後唔繃緊，保濕功效唔錯，平用唔心痛，落力D打泡啦。
黑糖精透潤精華化妝水 (建議零售價 $79 / 180毫升)
成份及功效：
♥ 發酵黑糖精華：深入滲透及滋潤每個角質層單細胞，提高肌膚鎖水能力。
♥ 雙重透明質酸：以兩種大小不同的透明質酸鈉及水解透明質酸，滲透深層肌膚，提供極緻保濕效力。
♥ 保濕因子：為肌膚注水補水，由內至外豐盈飽滿。
♥ 弱酸性、無香料添加、無色素、無礦物油，天然呵護美肌。
化妝水質地好水，搽上面好快就吸收，感覺好輕好清爽，但又有足夠既水潤度。
我鐘意量少次多咁用，每次係手心倒少量WARM UP再壓上面，輕拍幾下就吸哂，再重覆直至Feel到肌膚飲飽水，我通常2-3次就夠哂水潤，肌膚摸落軟綿綿，充滿彈性，仲有種通透感，肌質UP+++
價位非常抵用，久不久用黎做返次Toner Mask都絕對唔會心痛，唔想投資太多既sis可以由呢枝入手。
黑糖精超濃厚水潤凝膠面膜 (建議零售價 $89 / 4片)
成份及功效：
♥ Bemliese：以日本優質面膜紙，配合濃厚的美容精華，緊貼臉部，每吋肌膚都得到滋潤。
♥ 發酵黑糖精華：滲透每一個角質層單細胞，鎖水保濕。
♥ 雙重透明質酸：以兩種大小不同的透明質酸鈉及水解透明質酸，滲透深層肌膚。
♥ 保濕潤澤因子：注水補水功改善乾燥肌膚，由內至外豐盈飽滿。
♥ 雙重膠原蛋白：兩種膠原蛋白仿膠原蛋白、水溶性膠原蛋－令肌肉飽滿緊緻，改善暗啞問題，持續有彈性。
♥ 温泉水GL(甘油)：促進肌膚新陳代謝，令肌膚柔軟水嫰。
♥ 弱酸性、無香料、無色素、無礦物油，細緻保護肌膚。
Mask我唔到最惡劣既狀態我都盡量唔想敷...
主要因為我個齊劉海夾起太耐會中間分界，唔洗頭係處理唔到既...>.<
不過要做既野始終都要做，敷一次面膜幫肌膚即時叉叉電都要既。
呢款精華量都幾多，但不至於會滴，邊敷可以邊做下其他野。
鐘意佢個質地，厚薄岩岩好，敷起黎好貼面，剪裁亦岩岩好。
黑糖精水潤彈力美肌凝露 (建議零售價 $109 / 90克)
成份及功效：
♥ 發酵黑糖精華：每個角質層單細胞都受到滋潤，鎖水保濕力更強。
♥ 雙重透明質酸：透明質酸鈉及水解透明質酸，兩種大小不同，滲透深層肌膚。
♥ 濕潤澤因子：提供注水補水功能，皮膚由內至外豐盈飽滿。
♥ 雙重膠原蛋白：兩種膠原蛋白仿膠原蛋白、水溶性膠原蛋，令肌肉飽滿緊緻，水潤光澤。
♥ 牡丹皮提取物：促進肌膚新陳代謝，均勻膚色，維持水嫰肌。
♥ 弱酸性、無色、無礦物油，無添加護膚。
凝露既質地好得意，會自然平滑咁包裹住肌膚，
搽上面推開會慢慢變水狀，推開既時候有滑嘟嘟既質感，好似有幾層水係面上滑動既感覺。
搽完既感覺係屬於厚實感比較重既類型，我自己比較鐘意晚上先用呢類，成晚都咁保濕。
但早上我就唔太鐘意呢類質地，一來要等佢慢慢吸收，二黎又驚上妝會出擦膠屑。不過佢so far係冇起屑屑既。
我用左兩星期左右，素顏時都真係感覺到肌膚有光澤左，滋潤度夠得黎感覺舒服唔笠，毛孔飲飽水都收細左。
而上妝後持妝度亦有加持，成日唔補妝既狀態下，個妝返到屋企都仲keep到7成。
非常值得入手既抵用之選：）
情人節過後，都要繼續靚落去♥
更多資料：
「產品及有關資料由品牌提供」
|
