岩岩換上初春既保養品，底妝都震一齊換季：）
春夏季大行其道既係，比韓妝感覺黎得柔和既水光膚質，加上水噹噹既飽滿感，非常可親。
SHISEIDO 全新第二代 Synchro Skin 粉底系列加入既新成員絕對可以令你省卻唔少上妝時間。
全新智能感應潤澤粉底 Synchro Skin Glow Luminizing Fluid Foundation (HK$350 / 30ml)
特別調配 10 種色調，滿足唔同膚色既需求，粉底首要條件真係要揀岩色。
我用既係N2色，深淺岩岩好。
全新智能感應潤澤粉底 適合任何膚質及膚色，仲識得同步調節膚色及肌膚狀態。
最神奇既地方係佢仲識得智能追蹤水、油分泌，維持 8 小時水潤效果。
專利光感調節粉末及亮肌粉末，自己識按照肌膚狀態轉變，與肌膚狀態同步。
調節光線折射效果，保持零油光不黏膩，打造水光肌感。
使用前先搖勻。
可簡單以手直接塗抹，由面部中央向外塗開，於瑕疵部位使用較多分量以作修飾。
而我不得不承認膚質最近係跌到落谷底，痘痘、毛孔現哂形。
透明修飾聚合物及透明色素 EX 演繹自然膚色，同時可做到撫平及修飾毛孔及粗糙肌膚表面，自動修飾肌質。
而且粉底質感非常水潤，好似精華咁幼滑易推，直接用手已經可以輕易上妝，粉樸、化妝掃全部都唔洗出動。
仲首次加入摩洛哥堅果油及柚籽精華，預防乾燥造成既脫皮及粧容不勻。
上妝後肌感非常透亮，均勻膚色既效果亦好好，而且仲提升到輪廓同立體感。
雖然比較大粒既痘痘無辦法完全遮蓋到，但黑眼圈完全無問題。
我再加左遮瑕膏處理左D痘痘，面對初春既濕氣我都習慣性輕輕掃一層碎粉。
化埋個簡單日常妝，夾埋都係20分鐘左右就搞掂。
Close up 底妝都非常滿意，痘痘、毛孔都隱藏得好完美，好自然素肌感覺，而且全日感覺輕盈無重，感覺好自然舒適，保濕度亦好夠，成日都無脫妝乾燥等問題，Keep住水光肌。
個人最鐘意佢柔和水光妝感，啞緻得黎提升到輪廓同立體感，慳返唔少修容時間。
唔需要任何上妝工具幫手，就咁用手指推開已經可以做到均勻透薄既感覺，令上妝更輕鬆。
最後要讚一讚佢既保濕效果，初春濕笠笠既天氣下都唔覺焗身，感覺清爽得黎好鎖水，妝容Keep到放工仲有7/8成完整。
全新 SHISEIDO 智能感應潤澤粉底 Synchro Skin Glow Luminizing Fluid Foundation
於香港及澳門全線 SHISEIDO 有售。
「是次產品由SHISEIDO提供」
|
