星期五晚緊係約下朋友飯局：）
繼續試新野！
Chelsea Garden & Restaurant從世界各地精選新鮮海鮮及時令食材， 主打modern fusion 菜餚。菜單包羅萬有，有好多你未見過、珍貴既食材，仲有精選海鮮和肉類菜式，西班牙TAPAS，最開心既係佢有素食選擇，岩哂我呢個食肉獸同素食朋友一齊黎：）
而醬汁和甜品都係由廚師團隊自家炮製，味道係其他地方食唔到架。
餐廳分室內同室外，有一個充滿花園氛圍的室內用餐區和一個被新鮮香草和植物包圍的空中花園。
朋友聚會環境係首選，座位要夠舒服，可以坐足成晚傾到夠：）
呢間就夠哂Green，仲有幾分格調同特色，岩哂三五知己吹水食飯。
如果有需要仲可以包場，廚師團隊會幫你製作PARTY MENU以符合唔同活動所需。
空中花園既露天座位，曬住月亮飲返幾杯都唔錯呀！
等齊人開餐。
頭盤先上，係我既最愛♥
伊比利亞黑毛豬火腿配哈蜜瓜
伊比利亞黑毛豬黎自西班牙，算係頂級既食材，不過近年先Hit到香港。採半野放之餘，佢專食橡木子架，味道有陣陣木香味，加埋香香甜甜既哈蜜瓜，超好味！
蟹有種不能抗拒既魔力XD
呢個蟹餅以多種太平洋盛產的鮮蟹肉(包括:Portunidae,Scylla Serrata, Cancer Pagurus…)混合洋蔥和其他多種香料制的蟹餅
地中海紅蝦薄片配牛油果沙律
我淨係食左地中海紅蝦薄片，好香蝦味又唔洗剝蝦殻，感覺好似食緊蝦味薄餅咁，好新奇！
燒焗原隻波士頓龍蝦配秘制香草牛油汁
一見呢個就哇哇聲，淨係個陣都贏哂：）
龍蝦一隻，三個食法，我食左龍蝦肉，好Juicy，仲要新鮮無腥味，必試！
少有我鐘意飲既海鮮湯，好足料，講得出既海鮮都黎哂報到，湯味鮮甜濃郁，係廚師每日新鮮淆制幾小時架。D海鮮食落都好味架，唔係湯渣黎架。
西班牙黑毛豬伴焦糖菠蘿
終於黎到主菜，燒菠蘿好好味，甜到入心♥
半野放的黑毛豬運動十足，油脂分佈平均，以橡木子和香草作飼糧，黑毛豬烤煎得非常香口，肥肉我平時死都唔肯食，呢個食落一D都唔油膩，夾埋D瘦肉食，腹郁香甜。
焗朱古力焦糖香蕉蛋糕
甜品我一向麻麻地，但呢個香蕉蛋糕真係幾好味呀，以比利時75%朱古力夾層加入焦糖香蕉焗制，面層再厚塗甜酒朱古力醬，味道濃厚順得黎層次豐富。
我地幾個朋友邊食邊吹，傾到人地打佯先肯走，值得一讚既係店員好NICE，態度好之餘仲好風趣，兼夾不停為你加水無黑面，絕對需要列入Encore List Restaurant ：）
|
