為左迎接大哂肌膚既夏季，係時間去舊(角質)迎新(肌)啦：）
收到 Kiehl's 既兩款新品，三款經典香氛- 芫茜、西柚及薰衣草配方。
♥ Kiehl's 全新溫和身體磨砂霜 (HK$265/ 250ml)
我對芫茜好驚驚，聞唔OK，食到牛肉球個少少芫茜都會變面，量多係會有作嘔既感覺，最近亦的確有好多芫茜產品推出，芫茜醬、芫茜薯片等的，但估你唔到居然Kiehl's 既新品都有芫茜味@口@
又OK喎，佢雖然有少少芫茜，但感覺溫和無咁刺鼻，可能係因為Mix左絲瓜、洋甘菊等其他成分既味道，好舒心。
澡涼時，沖濕身體後加入適量磨砂霜打圈按摩，以燕麥溫和帶走肌膚上既老化角質，仲可以舒緩因乾燥引起既肌膚繃緊、痕癢等刺激現象，一過水肌膚留有淡淡香味，感覺非常清新。
♥ Kiehl's 豐潤保濕手霜 (HK$140/ 75ml)
以經典高效能手霜作靈感，同樣有芫茜、西柚及薰衣草三種香味。
蘊含乳木果油保護、軟化肌膚，維他命E具備強效抗氧化功能，保護肌膚。
今次我開左西柚味，清甜芳香，質地豐盈飽滿，一推開就有種潤澤柔軟既感覺，而且不油不膩，拎野唔會滑手。
|
