過左半個夏季，唔知大家有無曬黑到？
Yandy今年雖然因為白蝕既問題，暫時唔敢同陽光玩遊戲，但係都有少少黑左，又唔用得美白住，今次呢Set野就幫到手啦！
MAXgirl係黎自韓國既品牌，包裝充滿玩味得黎用色非常搶眼。
呢枝Whitening Cream係佢地既皇牌，佢一枝集合左妝前乳霜＋隔離＋CC Cream＋素顏霜既功效，以植物成分自然提升肌膚亮白度，一搽上去好似白左一達咁，但佢慢慢會同膚色溶為一體，膚色睇落即時透白左。
實際試俾你地睇，我本身面係比身體白既，膚色有少少不均，睇落偏暗啞、灰沈。
直接將Whitening Cream搽勻全面同身體，面色明顯白淨透亮，身體亦都係，不過都仲有少少兩截色，所以最近我淨係將Whitening Cream用係身，完全解決左我兩截色既問題呀：）
大家可以因應自己既需要，搽係暗沉肌膚既位置，如手肘、膝蓋，達到美白遮瑕效果。
佢個質地係比較稠身既，搽既時候會有少少難推，不過一推開就好快爽身，蘊含煙酰胺、馬齒筧、尿囊素等養膚美膚成分，持續使用，更有美白滋潤、改善膚色既功效。
**如果天氣比較乾燥，或者你本身係乾性肌膚，可以用自己用開既乳液以1:1的比例同Whitening Cream 混合黎用，秋冬都可以Keep住白：）
CC Cushion，強調無妝感同透亮度既底妝，特別鐘意佢既粉樸，比一般Cushion粉樸略厚，柔軟感同彈性都大大提升，接觸肌膚既觸感非常舒服。
個粉既顏色都係稍為白左少少，不過透明感重，所以上面後既效果唔會好死白，透返自己本身既膚色出黎，效果我都幾鐘意。
帶淡淡花香味，Coverage唔算太高，但痘印只唔唔突起，基本上都遮得到。
最正係妝感非常自然，但又做到提升輪廓既效果，留意我鼻翼位置立刻輪廓有致。
上完妝好似天生BB肌感咁彈滑。
畫眉我係比較鐘意用眉筆都刷頭既組合，三角型既筆芯可以好精細咁勾畫每條眉尾，對於我呢類眉毛不整既人特別合適。
我一般會放平眉筆畫好底色同基本眉型，再用三角邊緣係眉頭、眉尾無乜毛既位置畫返幾條眉毛，令整體眉型更立體，最後再用刷頭刷鬆少少眉頭位置。
呢個胭脂膏係我咁多產品之中既最愛：）
顏色係微甜既粉調，質感非常柔滑易推，而且唔易結塊，非常易於控制。
一般用胭脂膏我都會係手上印開少少先上面，呢隻，直接上就得啦，完全唔洗驚印到一達達，點印後好自然咁同本身肌色溶合，打造出自然粉嫩既胭脂效果。
仲可以用黎做埋唇膏，令成個妝容更有完整感。
雖然就唔算太保濕，但顏色好自然架。
眼影筆係萬用既白金色，好畫唔易起摺紋，打亮效果超強勁，唔係細緻類既閃爍效果，但非常吸睛。
我通常直接畫哂成個眼蓋當打底用，之後再搽既所有顏色都會爆閃架XD
今次我就加返之前出場既胭脂膏係眼尾，今年大熱呢類粉色調既眼妝呢。
之後補返眼尾既眼線，保持乾淨又明目既眼妝。
最後搽返唇蜜，我重點放係唇山同下唇中心位，加強唇部立體感，顏色帶少少倫紫既粉紅有助減淡唇色架。
簡單自然又好有夏日感覺既妝容，今個夏天不妨一試啦：）
Maxgirl更多資料：
Maxygirl.com.hk
Maxygirl.co.kr
https://www.facebook.com/MAXygirlhk/
|
