上次介紹其中兩款NOL既抗痘基礎保養產品，主要係處理暗瘡炎症同加強保濕。
♥ NOL 紅蔘綠豆面膜粉 (HK$108/100g)
今次就介紹埋呢樣排毒既面膜粉，成分有紅蔘，含抗氧化物，能有效預防肌膚老化，舒緩細紋，令面色紅潤。
綠豆有排毒功效，有效去暗瘡、除濕疹，去面上T字位過多油脂，仲可以消炎美白緊緻肌膚。
天然野最麻煩就係用既時候需要D準備，面膜粉唔係就咁敷架，要開水架。
一湯匙面膜粉，加入約適量清水，我大約溝左兩湯匙，太乾就上唔到，太濕又會滴，所以水份要好小心續小續小加呀。
推開時其實望落都有D核突既，不過就好有磨砂既感覺。
敷緊會聞到好香綠豆味，紅蔘味就唔太聞到。
均勻地敷在面上 (要避開眼睛部位)，5 - 10分鐘後用水清洗，洗既時候我都會輕輕打圈咁洗，感覺上做埋磨砂咁XD
洗完最好搽返上次介紹既山茶花油保濕，見唔見我既暗瘡已經受控好多，仲慢慢退緊D印印啦。
|
