最近忙於處理面上白蝕既問題，已經去到一個需要厚重妝容先可以隱藏既地步，所以我每一日都化妝，肌膚可以深呼吸既時間變少，毛孔...變大左T^T
要收毛孔真係唔係一朝一夕既事，而且最近都係優先處理白蝕問題，雖然醫生話無得醫，但我都努力試緊D偏方同向中醫求助，如果有效果再同大家報告。
毛孔問題都已經係老朋友啦XD
有時適當隱藏問題，欺騙一下自己都未嘗唔係一件好事>////<
♥ Dr. Young 絲質柔滑底霜
韓國醫學護膚專家Dr. Young應該都唔陌生。
不過Dr.乜，Dr.物既品牌真係好多，成日都會搞錯^^"
專為痘痘、油脂旺盛及粗大毛孔膚質而設既Anti-Pore Line毛孔管理系列。
提取多種天然植物精萃，重新調節肌膚水油分佈，淨化緊緻，修飾毛孔及瑕疵。
有專利配方ASTRIGENTLEX，蘊含蓮花、天竺葵、肉桂樹皮及地榆根植物精華等複合成分，有效收斂肌膚表層的多餘油脂，隱藏毛孔細紋瑕疵，使妝容維持長效清爽透薄。
霧霜狀既質地令肌膚有柔焦效果，妝感偏啞緻清爽，有平整細紋及粗糙，同埋提亮既效果。
我覺得佢非常唔錯既位係唔需要順住同一個方向，亂咁推佢都可以做到平滑既效果，好似奶油既質感推起黎好順，非常適合新手。
無論係化妝前或補妝都可以用，不過我基本上妝前用左都唔會太脫妝，所以都無試過補妝用。
效果都非常令人滿意，一搽已經有霧化感，鼻鼻既肌色不均都KO埋，上埋粉底都唔會推返走，簡單輕鬆就可以完成妝容。
如果你都有毛孔問題，不妨一試啊：）
全線Colourmix卡萊美 獨家發售
www.colourmix-cosmetics.com
「產品及有關資料由品牌提供」
|
